年貨入手攻略

年貨入手攻略

今年二月十九日中就係農曆新年,得番十幾日時間俾大家準備辦年貨,Sunday Kiss記者走訪兩家老字號,同時率先預告一下今年邊度有展銷場方便掃貨,順手推介老字號及超市的抵買年貨禮品!

一站掃全盒年貨

五十幾年的老字號「瓜子大王」,老一輩眼中可謂無人不識,要買最傳統嘅年貨,一定係去荃灣總店呢度!年貨款式選擇很全面,由傳統瓜子、糖器至油器等都有供應,而且果仁、糖餅及果乾等亦都有供應,基本上全盒內所需的都可此中尋。瓜子口味選擇極多,奶油、鹽焗及五香等,不勝枚舉!而油器方面,筆者到訪當日,只見少量包裝油角,店中負責人指其他油器如於一月尾陸續有售,大家到時記得留意!

np03 np05

(左)芋蝦$110/包;(右)茶泡$80/包
七式茶泡及芋蝦是拜年佐茶送酒的經典小食,好過食薯片。

np04
吊片$30/四安士
甜點食到膩,鹹香小食吊片乾亦是不錯選擇。

np06

海苔味麻花$20/包
傳統麻花今年加入海苔製作,賣相不揚勝在風味獨特。

np07
葵花籽朱古力$25/半磅
小朋友唔識剝瓜子,一於食呢個啦,朱古力糖衣內藏香脆葵花籽,真係由細食到大都唔厭。

np08

上海陸金記瓜子大王
地址:荃灣大河道5號
查詢:2492 2251

口立濕之王樣樣有
另一間辦年貨必到的涼果老字號,就係口立濕之王「上海么鳳」,除了招牌鎮店三寶的話梅王、特製冬薑王及蛇膽川貝陳皮王外,農曆年的糖餅花生果乾亦眼花撩亂。傳統米通、魚皮花生、鹹腰果、甜酸果乾及崩砂、牛耳等傳統脆口小食都已有售。有獨立包裝之餘亦有斷斤秤,而且包裝亦較為光鮮,不論送禮自用都相得宜,而油器方面預計要二月初才有售,大家唔想白行一趟的話,記得先致電查詢。

np09
透明玻璃缸內的乾果陳列於店內,試啱味後再買都唔遲!

np11

蛋散$24/225克
你以為蛋散係甜的?其實傳統的蛋散係鹹食,當作送茶小食也不錯。

np10
崩砂$25/160克
鹹香有致的崩砂,就係貪其夠硬淨有口感。

np12

米通$20/165克
其實傳統小食的米通,在今時今日要買都難搵,入口脆口甜香,不讓油器專美。

np13
上海么鳳
地址: 灣仔堅拿道西15號永德大廈地下13舖
查詢:2323 2063

np14

np15

德福年貨大包圍
入年貨又點少得商場的年貨展銷場?德福是每年的重點年貨展銷商場之一,是一站式掃貨的好地方。今年請來龍門、鴻星食品、恆香老餅家、榮華食品、大澳老友記海味及香港仔有記粉麵廠等老字號駐場,同場亦有十一間特色食品及飾品公司,賀年糕餅麵食至揮春布置等,一一網羅!而於場內展銷出的賀年食品與飾品,均以特筍限定優惠價發售,想大舉入貨的朋友,絕對有着數呀!

「喜樂常滿」農曆年宵市集
日期:2月7日至18日
時間:11am-9pm(2月18日收7pm)

地點:九龍灣德福廣場一期中央展場
查詢:2750 0877

np17 np18

傳統賀年食品展銷
另一港鐵商場青衣城,今個農曆年就請來卡通人物喜羊羊來攜手打造香港懷舊新春市集,而場內亦設有大型展銷,售賣多款特色賀年食品,絕對是另一辦年貨的最佳地點。參展商大同小異,主要以傳統老字號為主,包括布袋澳六嬸傳統家鄉水磨年糕、香港蓮香老餅家、恆香老餅家及上海么鳳等。

青衣城年宵市集
日期:2月4日至18日
時間: 11am-9pm( 2月18日收7pm)
地點:青衣城一樓大堂
查詢:2186 7284

np19

大型室內年宵場
佔地約三千呎,分為賀年乾貨及花市兩大部分,食得同唔食得都有!前者約十個攤檔,售賣鮑魚海味、洋酒清酒、賀年糕點、賀年禮盒及日本急凍海產等。花市方面,由全港最大蘭花供應商精挑逾半百新品種蝴蝶蘭、賀年花禮及最新花王矚目曝光,當中包括場內獨家限售、全球唯一得獎變色蘭花「金磚富貴」及今年乙未羊年新春首選花財源滾滾、美滿團圓的「黃金乒乓菊」等。

東港城.第九屆全港最大室內年宵市場
日期:2月4日至18日
時間:11am-9pm
地點:將軍澳東港城一樓展覽場
查詢:2703 9346

賀年海味乾貨推介
海味乾貨等開年飯貴價餸,除了散裝有優惠外,更有商戶推出一網打盡的禮物籃裝,幾乎鮑參翅肚乜都有齊,勁抵買。

np20
鴻運賀年禮籃$1,788(a)
鴻星推出的禮籃內有紅酒一支、即食澳洲鮑魚兩隻兩百克、脆脆銀魚禮盒、鴻運年糕盒、鴻星貢品海珍鮑魚六頭裝、原味鴛鴦臘腸、滋補系列家傳靚湯兩盒,及自家製XO 醬禮盒。

np21
高雅食材茗茶禮盒$1,668(b)
一田推出的禮盒,內有南北行四拼禮盒(冬菇、元貝、螺片拼花膠)、阿一蠔皇鮑魚、牛肝菌禮盒、御品花菇、大師姐瑤柱蝦子麵、蘇太標準裝XO 醬、神品臺灣凍頂烏龍茶及神品臺灣高山蜜香紅茶。

np22

八囍臨門海味禮籃$1,188(c)
安記海味的禮籃包即食溏心鮑魚一盒、紅燒雞絲翅、一級花菇、鮑魚麵、酥蜜腰果仁、即食鮮菌、鮑魚酥及特級坐釀一支。

np24
綠之聖日本方盒元貝$738/套(b)
原價本來做緊成千三蚊一套,現以約五七折出售,仲送埋花菇王禮盒。

np26

安記金裝錦盒$550/盒(c)
一盒有齊日本宗谷元貝、金牌花菇、髮菜及非洲螺頭,都只係五百五十蚊,拜年送禮見得人!

np25
鴻星即食極品鮑魚$398/罐(a)

台灣鮑魚十二隻裝即開即食,計番平均都係三十三蚊一隻。

np23

安記澳洲錦盒$398(c)
安記的澳洲鮑魚錦盒內,包安記澳洲鮑魚及安記鮑魚菇各一罐,再加安記鮑魚麵兩盒。

賀年禮餅推介
拜年禮餅或招呼親友時仲拎行貨嘢應客?係時候轉吓款啦,今年新出了不同包裝及新口味,有傳統有卡通,好食又好睇,大人細路都啱心水。

np27
精裝中發白雜錦禮盒$168(d)
以「中發白」的麻雀作產品包裝設計概念,大時大節打牌的朋友就最鍾意好意頭,內有原味杏仁條十二件,原味雞蛋卷十條及原味甜心酥十六件。

1410_03903_BPD_pudHD_MaximsLine_CNY_mk_MTR_WallPoster_d

「金幣」牛油曲奇禮盒$138(d)
美心今次以LINE 的大頭BROWN 型像打造全金色的圓形禮盒,內有廿件曲奇,牛油及榛子味各一半。

np30
熊貓賀年禮盒$168(e)
盒內有六款賀年美點,包括有亞嫲糖年糕、笑口棗、南瓜籽脆糖、椰絲花生軟糖等多款應節糖果餅食。

np28

菓雅庵傳統菓子雜錦禮盒$128(b)
日圓下跌,和式菓子禮盒最抵買,呢款百三蚊有找又夠大堆頭,有齊最中和菓子、栗子善哉、黑豆善哉、柚子蜂蜜啫喱、黑糖粗粒煎餅及黑五煎餅。

Shoplist
(a)鴻星食品 2628 0080
(b)一田百貨 2694 1111
(c)安記海味 2544 6336
(d)美心食品 2101 1333
(e)奇華餅家 2785 6066

更多精選內容