吳岱融鍾淑慧 晒全家福 賀囝囝20歲生日

吳岱融鍾淑慧 晒全家福 賀囝囝20歲生日

吳岱融 上年重返無綫後憑《巨輪II》「高天鷲」一角人氣急升,事業發展非常順利。吳岱融 曾被譽為「新加坡第一帥哥」,87年來港發展,成為TVB藝人,後來因接拍劇集而與 鍾淑慧 擦出愛情火花,最後更結為夫婦,至今兩人已一起走過了27年,日前吳岱融 喺微博Post咗好多張同家人嘅合照嚟慶祝囝囝20歲生日,一家三口非常幸福!

撰文:Sunday Kiss

圖片:吳岱融微博、TVB《1+1的幸福》、新傳媒資料庫

囝囝20歲生日 興奮post全家福

吳岱融 1995年同老婆鍾淑慧結婚,囝囝吳政樺日前20歲生日, 吳岱融 喺微博大曬一家人嘅合照,相當幸福!鍾淑慧仲錫咗囝囝塊面,一家三口樂也融融。囝囝吳政樺其實一直喺新加坡當兵,今次趁著生日同家人慶祝20歲,相信一家三口一定好開心!

年輕時怕結婚直至遇到老婆
2月嘅時候 吳岱融 同鍾淑慧參加綜藝節目《1+1的幸福》,節目中播返21年前的結婚片段,鍾淑慧都忍唔住話:「眨下眼就廿幾年啦!」不過結婚廿幾年, 吳岱融 越來越Man,鍾淑慧就無變過,連祖藍都大讚Keep得好好!

螢幕快照 2017-02-13 下午1.02.21

結婚多年,一直都咁恩愛,但吳岱融大爆年輕時怕結婚,因為覺得連自己都照顧唔到,點照顧老婆,點照顧一頭家呢?但直至遇到鍾淑慧!「當時我哋係套劇的男女主角,日日都見面,當我見唔 到佢時,個心又會話掛住佢,好想見佢!有一次印象好深刻就係,我哋等埋位時,我拎咗一粒細細粒發泡膠俾佢食,本身諗住玩下,整蠱下佢,點知佢真係食,我就覺得佢好傻,所以我就諗住娶佢返嚟治下佢啦!」

《新絕代雙驕》劇照
87年,吳岱融 成為TVB藝人後,先後拍攝了他的「經典四部曲」:《絕代雙驕》、《邊城浪子》、《玉面飛狐》、《劍魔獨孤求敗》,特別是與梁朝偉合演的《絕代雙驕》,當時 吳岱融 飾演花無缺,俊俏臉容和瀟洒身段,打動了無數觀眾心弦。

永遠當對方係初戀情人
節目中, 吳岱融 仲同老婆合唱《只有情永在》,好聽就不在話下啦!唱完仲深情一吻,真係冧冧豬!由拍拖到依家27年,都Keep住咁恩愛,吳岱融話:永遠都當對方係初戀情人!「一對夫妻成日喺埋一齊,多多少少都有啲唔開心嘅事,我覺得要多啲喺對方的角度睇件事,同埋我哋要保持一種心態係,永遠都當對方係初戀情人,有時兩公婆結婚耐咗,可能會唔記得,會習以為常!」

螢幕快照 2017-02-13 下午1.11.46

螢幕快照 2017-02-13 下午1.13.24

螢幕快照 2017-02-13 下午1.36.37

唔捨得囝囝當兵
除咗心態上要永遠記住佢係初戀情人之外,行為上都好Sweet㗎!原來佢哋瞓覺時仲會攬埋一齊㗎!

螢幕快照 2017-02-13 下午1.09.23

佢哋嘅囝囝20歲,因為吳岱融 是新加坡人,兒子現在在履行兵役,吳岱融大爆太太好唔捨得!「我記得當時一拎封招募通知書俾太太睇時,上面寫住下個月要當兵,佢啲眼淚就係咁流,真係好擔心,頭三個月都唔可以返屋企,好彩依家分派咗文職工作,可以每日都返嚟!」

螢幕快照 2017-02-13 下午2.26.34

Liza姐問到結婚咁多年,有咩最難忘呢?吳岱融就話:「有一次我酒後打架,仲整傷鼻骨,當時我喺醫院,我老婆嚟到之後,佢無任何責怪我的說話,只係純粹關心我,仲有不斷安慰我,呢種感覺真係好好。」有個咁關心自己嘅太太,真係要好好珍惜啊!

只要一息尚存,我一定陪喺你身邊
太太深情剖白時,說了一句:「呢幾十年可以同你喺埋一齊,我已經覺得係賺咗啦!」而吳岱融就回應,「我淨係想佢開心,當佢唔開心時,我會嬲自己,點解佢會唔開心呢?我只係想佢開心啫。」

螢幕快照 2017-02-13 下午2.07.41

螢幕快照 2017-02-13 下午2.07.29

最後吳岱融唱咗首歌俾太太聽,之後只講咗一句說話:「只有一息尚存,我一定陪喺你身邊。I Love You, Dear !」令太太哭成淚人。

螢幕快照 2017-02-13 下午2.08.14

延伸閱讀:放閃! 吳岱融 為太太慶生 高呼I Love You

更多精選內容