限定3日卡通精品 開倉 !$99買Sanrio、迪士尼福袋 + $8掃卡通文具

限定3日卡通精品 開倉 !$99買Sanrio、迪士尼福袋 + $8掃卡通文具

仲未買晒開學用品?唔緊要!觀塘卡通精品 開倉 今日就開始啦!特設$8專區,主打Sanrio、迪士尼及海賊王精品,可以盡情掃貨啦!而該店上年曾推出過的$99卡通福袋,今年也回來了!不過買福袋跟抽獎一樣,有喜亦有驚。為免大家失望,記者就率先開箱,一起看看這次的精品到底值不值得入手。

撰文:Sonia|攝影:Tony

頭號獵物:Sanrio+迪士尼 卡通福袋 $99

買福袋往往可以用超值價錢買一大堆東西,不過結果伏唔伏就要睇運氣了。今次為大家率先拆兩個卡通福袋,預備… …開嚟見我!

最抵買!粉色系Sanrio福袋

記者的福袋內共有5款精品,總值$250以上。

每個Sanrio福袋內,必定有小風扇一個,適合在香港的炎炎夏日出街用!風扇可以入電芯,方便隨身攜帶;同時亦附有USB線,可以在Office插電腦使用。袋內其餘物件則會隨機抽出4-5款精品,包括:八達通貼紙、LED 閃閃牌、A6筆記簿、鉛芯筆、環保袋、即影即有貼紙、毛巾及頭箍等,每個福袋總值$250以上。

福袋內必備的Sanrio小風扇一共有10款,記者抽中的是本年度人物大賞冠軍的肉桂狗~原價$108的風扇,是福袋內CP值最高的物品呢!

新增大熱跳豆喇叭!迪士尼福袋

而迪士尼福袋方面,必有item是跳豆喇叭或Tsum Tsum 燈光電話座,其他隨機抽中的則包括手機屏幕貼紙、八達通貼紙、即影即有貼紙及Disney USB 暖杯墊。

記者的迪士尼福袋抽中史迪仔跳豆喇叭、即影即有貼紙、手機屏幕貼紙及八達通貼紙,共4款精品。店主說因跳豆喇叭(原價$208)較貴,所以福袋中的物品相對較少。

2. 特價 $8專區!平掃卡通文具+貼紙

若不想冒險,怕抽不中自己的心水卡通人物,則可轉戰 $8 精品區。這裡主要出售文具及貼紙,最吸引的是Sanrio紙膠帶,平時MT膠紙一卷都要$30,現在$8任揀,文青們可以盡情買回家貼schedule或做手作了。

$8 精品區是平價買文具及貼紙的好地方
Sanrio紙膠帶共8款,連比較少見的Keroppi、大口仔及XO都有。
Sanrio筆記簿及鉛芯筆,喜歡Sanrio Character的朋友別錯過。

3. Sanrio吸塵機 $88

做家務時,總恨自己沒多生幾隻手,好同時完成數個任務。這個Sanrio Cleaning Robot是家居打掃小幫手,開啟後它會自己在範圍內四處游走吸塵,遇到障礙物還會自動轉彎!不過這機器全靠底部一張吸塵紙來進行清潔,功效沒傳統吸塵機顯著,對它別抱有太大期望。

Sanrio Cleaning Robot $88(原價$168),共4款。
記者把吸塵機放在桌上測試時,當它移動到桌子邊緣時會自動轉向,不會掉下桌子。

4. Sanrio 手機廣角+魚眼鏡套裝 $39

現今拍照大家通常都會用手機隨手snap,皆因智能手機的解像度不比相機遜色。但說到要拍出廣角或魚眼效果,就要依靠外置鏡頭了。$40有找買齊廣角+魚眼鏡,抵買!

一共4款手機鏡頭 $39(原價$99),浮誇得來很可愛。

5. Sanrio自拍棍 $88

Sanrio自拍棍 $88(原價 $199)

6. Sanrio iPhone Case $18

Sanrio iPhone Case 7/7 plus $18(原價 $198)

7. Hello Kitty眼部按摩棒 $99

眼部按摩棒可以舒緩眼腫及黑眼圈,美容品牌的按摩棒平均千元一支,相比起這支原價$159的Hello Kitty眼部按摩棒就非常便宜,不過功效如何就不得而知了。

Hello Kitty眼部按摩棒$99(原價 $159)

8. Disney USB暖杯墊 $69

Office冷氣凍過雪房,一杯熱茶或咖啡放上5分鐘就可以輕鬆變凍飲,加$2都慳番。想保持飲品溫度,USB暖杯墊是枱頭那杯熱飲的救星。

史迪仔USB暖杯墊 $69(原價$119)

9. 三眼仔Power Bank $99

智能電話食電的程度簡直是以光速作單位,不帶尿袋的話,電話分分鐘捱不過一天。選個造型可愛點的Power Bank,就當作是彌補要額外多帶一件物品外出的麻煩吧。

三眼仔Power Bank 5000mah(原價 $369)

10. Tsum Tsum藍芽喇叭 $199

4款迪士尼Tsum Tsum藍芽喇叭,使用時底部會閃燈呢!藍芽喇叭 $199(原價 $398)

 

i-Smart 文具玩具精品開倉
日期:31/8-2/9 (12nn – 8pm)
地址:觀塘鴻圖道37-39鴻泰工業中心1401-02室(顯示地圖)
備註:只收現金,不接受EPS、信用卡。此外,為支持環保,亦不會派發膠袋,請自備購物袋,或以優惠價$29換購Sanrio Characters 環保袋(原價$49)。

 

更多精選內容