絕種好爸爸 黃日華  望女兒嫁得好

絕種好爸爸 黃日華 望女兒嫁得好

13年底老婆梁潔華發現患上血癌, 黃日華 不離不棄頻樸照顧,抗病兩年多老婆完全康復, 黃日華 終於鬆一口氣,點知,近日又要為愛女婚事操心, 27歲的黃芷晴,同曾從事酒店工作的圈外男友Jimmy拍拖一年多趕住閃婚,一直恨嫁到出口的黃芷晴,據知芷晴近日更加唔理阿爸意見,答應男友求婚,二人已著手籌備婚禮,眼見準女婿事業未成,怕阿女嫁人後仲要捱! 黃日華 擔心到落閘阻婚:「仲未睇到男仔嘅優點!」

 

原文、圖片:東方新地

27歲的黃芷晴,15年底同拍拖三年男友Bryan分手,不足半年再投入愛河,同曾從事酒店業的Jimmy Fung拍拖,原來二人早於芷晴讀大學時已經認識,直至年多前偶然撞番,兩人極速譜出戀曲,拍拖半年更已經有結婚計劃,黃芷晴替雜誌拍婚紗照時,更恨嫁恨到出口表示,原本想搵男友一齊拍,但又怕太主動所以打消念頭!

黃芷晴已著手籌備婚禮,亦開始搵人設計婚紗!
黃芷晴已著手籌備婚禮,亦開始搵人設計婚紗!
芷晴係孝順女,以往經常整蛋糕氹阿爸黃日華,難怪芷晴拍拖後,黃日華不時呷未來女婿醋!

籌備婚禮

據知,近日男方一班親友,已經收到Jimmy同黃芷晴結婚消息,二人已著手籌備婚禮,黃芷晴亦開始搵人設計婚紗,為免阿爸反對,實行先斬後奏!有指兩人拍拖無耐,芷晴已經好想結婚,佢仲諗埋結婚之後會生一個小朋友,又打算租屋同老公搬出去住。佢係愛妻號華哥咁緊張個女,梗係想佢搵個好似自己咁好嘅老公啦!

黃芷晴恨嫁恨到開晒口,早前好友結婚,一班好姊妹就將花球刻意傳到黃芷晴手上,令她感動到眼濕濕!
黃芷晴恨嫁恨到開晒口,早前好友結婚,一班好姊妹就將花球刻意傳到黃芷晴手上,令她感動到眼濕濕!

嫌未達標

出名係絕種好男人的黃日華,當然想個女搵個一樣有膊頭有承擔嘅男人照顧她下半生,不過同黃芷晴年紀相若的Jimmy,本身成個大細路,有時更倒轉頭要弱質纖纖的女友照顧,之前芷晴就透露男友連「小強」都怕,要佢保護番轉頭!芷晴密友透露:「咪睇芷晴外表柔弱,對住男友好有主見,仲會保護對方,佢好鍾意浪漫,但男友唔夠細心,芷晴仲會自己諗啲驚喜嘢氹番男友轉頭!

阿媽梁潔華抗病成功,黃芷晴同老豆黃日華終於放心晒。

今年二月底一家人去泰國旅行,芷晴都預埋男友,等佢可以同阿爸溝通多啲!早前黃日華接受訪問時,提到女兒想嫁要先過佢嗰關,佢就話:「個女大個自己決定,不過佢哋拍咗好短時間啫,我未睇到個男仔嘅優缺點。」即係未過到華哥嗰關。

黃日華出名愛妻號,當然想女兒同樣搵到個好老公!

 

男友放風想入娛樂圈,黃芷晴去到邊都孖男友一齊出現!之前試過一 齊入馬場。
上月,黃芷晴拖埋男友一齊睇音樂會!幫男友爭取機會曝光!

為助男友爭取機會,黃芷晴拍乜都搭單引薦男友,上年12月,二人一齊拍手錶廣告,亦是芷晴向廣告商提議情侶檔演出,才令Jimmy成功 踏出第一步,近日又經常帶男友出席公開活動。

去年底,黃芷晴拍廣告,主動推蔫男友比廣告商,提議情侶檔演出。

就晒男友

一向乖乖女的黃芷晴,每次拍拖都非常投入,上次同Bryan拍拖無耐,已經想結婚,但因為阿媽患病,當時芷晴以媽咪健康行先,加上Bryan唔想早婚,最終二人亦分手收場。今次對住同樣有早婚念頭的Jimmy,兩個就相當啱Key。

上年5月,黃芷晴同Jimmy啱啱拍拖,當時Jimmy在Facebook放相,被友人發現同芷晴飲同一款飲品!

今年5月,同男友去新加坡過生日兼慶祝拍拖 一周年,黃芷晴開心大晒 fit爆泳裝照!
預支蜜月,這輯泳裝照相 信由Jimmy操刀。
同男友遊新加坡環球影城,一樣開心在打卡!

大學修讀設計系的黃芷晴,試過出自家品牌「Oh My Deer」,不時自己做手工設計氹爹哋媽咪,但自從同Jimmy拍拖後,就乜都男友第一!之前Jimmy姪女生日,芷晴更為對方設計生日蛋糕兼幫手整嘢食慶祝。就連今年食團年飯,他亦先就男友時間,阿爸都只係副選。「芷晴好單純,華哥都好擔心個女易畀人呃,但女大女世界,佢驚逼得太緊,芷晴仲反叛,所以佢都係同老婆輪住勸個女,想個女考慮清楚先嫁!所以佢哋仲未表態答應呢頭婚事!」

拍拖半年,黃芷晴已經融入男友屋企,除了經常煲湯整嘢食氹男友,早前男友姪女生日,她亦落手整蛋糕!簡直準新抱上身一樣!
芷晴拍拖非常投入,對男友家人亦愛屋及烏,一樣咁照顧。
黃芷晴不時落手整嘢食氹男友屋企人。

更多精選內容