澳門親子遊 開學開心澳門大旅行

澳門親子遊 開學開心澳門大旅行

大人返工有 blue Monday,小朋友放完暑假點都有啲失落,於是趁啱啱開學,帶 Keicy、Kassy 同 Par Par 3姊弟,近近哋去 澳門親子遊 ,join 喜來登大酒店嘅「繽紛夏日樂」套票,玩兩日一夜,輕鬆吓,當為3姊弟舉行開學禮^^

 

未出發,先睇片!

 

Day 1

到埗午餐 @ Bene (班妮) 意大利餐廳

 

全新餐牌,全部都好好食。

 

特別介紹:燒乳豬

乳豬俾人嘅感覺好大碟, 原來又唔係喎!

一個正方形,細細碟、份量啱啱好,唔會好「漏」,

可以嗌多幾樣嘢食,大家一齊 share!

香脆鴨配甜橙茴香沙律及甜橙醬

 

誠意推介:佢哋午餐有 appetizer buffet ,有好多嘢食㗎!

仲有其他美食,包括:

巴馬火腿配哈蜜瓜

 

香濃芝士煙肉意大利粉

 

仲有更多

 

3 姊弟最鍾意當然係甜品同芝士啦!

Bene 嘅甜品真係樣樣都好出色!

Check in

食完嘢,齊齊上房。

喜來登嘅家庭套房,裡面係大人一間房,小朋友一間房,中間有度門隔開,有私隱之餘,又唔會嘈親屋入面其他人。

功夫熊貓主題廁所有個抵讚嘅細心位-腳踏,有咗佢,就唔使驚小朋友唔夠手長,或者唔夠高洗手。

 

而且如果一早 book 定,小朋友一入到房,就會見倒砌晒小朋友個名嘅波波,吊喺張床度。

除此之外,仲有一包包小禮物,每個小朋友都有公仔,又見到自己個名,又有氣球,3姊弟超開心,開晒 party 咁樣!

華麗刺激 Planet J冒險王國

上咗房,擺低啲嘢,休息一陣之後,就去咗Planet J冒險王國玩。

呢個全球首個實況角色扮演主題樂園,地方超大(9,290 平方米),聽講總興建費用係10億元!

呢度好啱爸爸嚟,因為好多爸爸都鍾意打機。

而佢裡面有8 個互動專區,好似打機咁樣,打完一盤,要攞住部機過關,不過完全唔係屋企對住電視打機咁樣,呢度係真人過關,全身都要郁動,最啱好動嘅小朋友!

 

如果媽媽唔打機,都可以周圍影相,因為佢入面嘅裝修、佈置同公仔,全部都真心靚!

 

而且又有好多 character 嘅衫可以換,如果過咗關,就可以喺下一個地點,換升咗級嘅衫。

3姊弟玩得超 high!

火鍋 Buffet Dinner

好多嘢食就一定㗎啦,而佢最大特色係有部機,將成嚿牛肉一片片「片」出嚟!

而小朋友嘅 setting 一人一個細鍋,佢哋可以自己夾、自己揀,最重要係唔使爭嘢食,小朋友同媽媽都開心!哈哈!

 

飯後節目

食完嘢,大家喺 shopping mall 行咗一陣,跟住返上房,浸吓泡泡浴,跟住小朋友就瞓覺覺豬喇!

呢個時候,大人可以落樓下 lounge 度飲吓嘢,或者去賭場玩吓,仲可以睇吓 show,然後先返上房瞓覺。

Day 2

Room Service 早餐

為咗爭取多啲時間比小朋友瞓覺,我前一晚book定第二朝 10 點食 room service 早餐,而酒店真係好準時10點鐘,將早餐送到,仲 set 晒枱㖭!

枱底仲有個保溫箱,全部嘢食都係新鮮、熱辣辣,而且份量都幾足下,如果係普通食量,其實一兩個 set,就已經夠全家人share 嚟食。

放電之選 巴黎人Q立方王國

食完早餐,我哋去巴黎人嘅Q立方王國,因為地方大啲,室內室外空間都有,入面有好長嘅彩虹滑梯、炫彩波波池,城堡主題嘅攀爬架,又有得打機、睇電影、玩電腦,小朋友可以喺嗰度玩半日至一日,玩到肚餓仲可以食完嘢再玩過。

如果你有工人姐姐,呢個時候放心交畀佢照顧小朋友啦!佢哋識自己玩㗎喇!^^

其他大人就可以出去行街 shopping,或者去 sauna relax 吓,之後先返嚟接返啲小朋友,大家都唔會悶!

 

懷住依依不捨嘅心情……

玩完,食個晏,就返香港喇。

呢個澳門兩日一夜之旅,好快就完咗,3姊弟亦都好滿意,滿意到唔捨得走,我氹咗佢哋好耐先肯上船呀陰公……

 

補充資料:
由即日起至9月30日預訂「繽紛夏日樂」套票(港幣1,288++)即可享有:

• 二人入住豪華特大客房或豪華雙人客房
• 二人自助早餐或午餐(指定餐廳)
• 兩張金光飛航標準艙單程船票(澳門往香港或香港國際機場)或港幣200之餐廳及炫逸水療消費額
• 夏日娛樂券:
o 「Aqua World水世界」入場門票兩張;或,
o 「歷險Q立方」、「歷險Q立方2」或「Q立方王國」入場門票兩張 ;或,

o 「Planet J冒險王國」入場門票兩張及一本個人電子儀器「魔導卷」
• 港幣200之餐廳及炫逸水療消費額
• 繽紛禮品包一份 (視當日供應情況而定)

詳情請洽澳門喜仔登大酒店。

 

FB: KeicyKK

 

 

更多精選內容