抱住囡囡Fit到漏! 鍾嘉欣 預告想拍番戲?

抱住囡囡Fit到漏! 鍾嘉欣 預告想拍番戲?

鍾嘉欣 (Linda)自從結婚生B後,為咗照顧囡囡,幾乎退居幕前,雖然暫時都喺加拿大居住,不過有時都會返嚟香港出席活動。但佢最近喺社交網站上載咗幾張相,仲話好掛住大家,問粉絲們想唔想睇佢再拍戲喎!嘉欣BB復出有望啦!

撰文:Sunday Kiss

相片:鍾嘉欣FB

嘉欣喺社交網站上載咗幾張獨照,着得好Sporty嘅佢仲大騷Fit爆身材,生完囡囡都咁Fit,真係好令人羨慕啊!另外仲有幾張抱住囡囡睇風景嘅相,好溫馨啊!佢留言話:「大家好嗎?想念你們。我現在很好。我想問,你們想再看我演戲嗎?我已經好久沒有拍戲啦!」嘉欣似乎想復出啊!

Fit到漏全靠⋯⋯

另外一輯相中,Linda一身運動look上陣,曬得一身健康膚色之餘仲Fit到漏!Linda早前接受訪問時就話靠 餵母奶 修身成功!Linda鼓勵所有嘅媽咪餵人奶,因為好處實在太多:「每日可以減到五百個卡路里,唔使做運動,餵咗8個月時,已經修曬身嘞!」各位新手媽媽不防試試!

有計劃生多個

閒時老公亦會幫忙照顧女兒,一家人喜歡留在家休息。「我哋兩個都好鍾意留喺屋企,冇去遊山玩水,商場都少去,我哋最多都係附近行下,好少有咩活動。」 他們更希望將來可以有多一個小朋友: 「我哋有計劃嘅,希望將來可以有多一個小朋友。唔知幾時,但希望Kelly起碼一歲半後先開始試。」

17438447_272900093168958_5573537828333158400_n

女兒超級乖

Linda表示女兒超級、超級乖,唔扭計、唔喊:「囡囡除咗夜晚臨瞓前會喊三、四分鐘,跟住自己就瞓,瞓八個、十個鐘就起身,同埋我覺得佢係思想型嘅,點解呢?因為佢唔介意冇人陪,我要煮飯、處理家頭細務,唔得閒下下抱住佢,我亦都唔想縱壞佢,我每朝起身,幫佢換完尿片,擺佢喺play mat,俾啲公仔佢,佢就自己玩一餐,所以我覺得佢鍾意喺自己世界、鍾意自己諗嘢。」

16229051_586990001502964_5300011259834400768_n

不做虎媽

Linda會做個relax和casual的媽媽,不會一開始就計劃要讀什麼學校,希望女兒能夠自己玩、在自己世界create一啲嘢,不要太依賴:「依家佢太細,我想觀察佢多啲,唔想咁早要佢學嘢,我諗番我細個屋企環境唔係咁好,冇得學任何嘢,依家我覺得我哋性格、工作任何嘢都OK吖,好似我細個原來已經鍾意演戲,爸爸媽媽返工,我會摷曬我阿媽啲絲巾綁喺個頭扮女俠,又扮拍拖、分手、唱歌,所以我哋想留意佢、觀察佢,發掘佢嘅喜好,到時先慢慢俾佢學, 唔會一嚟乜都學曬,我覺得會over咗。 」

15802164_711244925697783_6395451138354708480_n

待女兒長大後,Linda亦會讓女兒看自己的劇集:「可能俾《搜神傳》佢睇,係我入行第三部劇,訊息好好,可以教佢點孝順父母同樂觀面對人生。 」

更多精選內容