官恩娜對貓狗敏感 仍堅持不 棄養

官恩娜對貓狗敏感 仍堅持不 棄養

好多人都誤以為養寵物會導致孕婦敏感,從而選擇 棄養 寵物。日前官恩娜喺facebook話自己因為嚴重孕吐,有一段時間將自己養嘅狗Bisous交俾屋企姐姐照顧,但姐姐並未照顧得非常好令佢好心痛。官恩娜仲話就算大咗肚或者有咗小朋友,甚至好似自己驗出對貓狗敏感,仍然唔可以棄養 或者唔理自己隻狗!

撰文: Sunday kiss

圖片:官恩娜FB、新傳媒資料庫

堅持唔棄養對狗仔嘅承諾係一生一世

官恩娜喺Facebook 話之前因為自己有嚴重嘅孕吐,有兩三個月時間唔可以每日幫Bisous刷牙,將呢個重任交咗比屋企個工人姐姐,呢兩個星期終於覺得好返啲,一檢查就發現原來姐姐一路都冇幫佢啲牙刷乾淨,搞到佢好心痛。

佢仲話佢唔放心比其他人照顧自己隻狗,對狗仔嘅承諾係一生一世!「唔可以因為大肚或者有咗小朋友就遺養或者唔理自己隻狗!之前因為嚴重鼻敏感,做咗個血液測試發現原來我對貓狗敏感!但我都冇一刻諗住唔要Bisous ! 而家幫佢刷牙同梳毛嘅時候會帶埋口罩同滴定防敏眼藥水!咁就okay! 」好多網民都話好欣賞官恩娜嘅做法!

弓漿蟲引致敏感 可到醫院檢查避免

有人話養貓會引起婦女流產或畸胎,或者因為家中有小寶貝的誕生,而把貓咪送走。當年啱啱生完BB既陳茵媺都有相同既諗法,但佢唔係怕BB對貓毛敏感,而係陳茵媺自己敏感,喺過去六年,陳茵媺為咗貓貓,六年嚟都有食抗敏藥,所以想等BB停咗食人奶,先接返貓貓返屋企。

好多人都對懷孕養貓有誤解,其實兇手唔係貓,而是貓便便。正確嚟講,係一種叫弓漿蟲既物體。準備懷孕前,可先到醫院作弓漿蟲的血清檢查,若抗體呈陰性,則要在懷孕期中的前三個月,避免接觸有外出習慣的貓咪及貓沙盆等,咁就要請老公幫貓貓洗白白同清理貓便便啦!

1405692053_45641405857046_3c2b

其實好多明星即使懷孕期間,都繼續養貓!就好似李蘊咁,大住個肚養貓都冇問題,仲話BB未出世已經好鍾意貓。

f084bd8870516b347850131b8b803019

F6V

又好似陳國邦和羅敏莊咁,出名係愛貓之人,懷孕嗰陣,仲養咗9隻貓!就算生埋小朋友,仍然覺得小朋友同寵物好適合相處。佢仲話:「養寵物係一生一世,從來唔認為生小朋友跟養寵物有衝突,只要注重衛生就得,老婆大肚照樣攬貓訓都冇問題!」

6

F56

F67Q

更多精選內容