黃金海岸酒店高質扒房

黃金海岸酒店高質扒房

呢排聽到好多負能量既野,強哥知我多愁善感,所以幾忙都抽時間同我拍下拖,今晚餐飯又好食又浪漫,短短兩三個鐘,已經幫我呢幾星期既正能量回返氣,謝謝老公,還有公公婆婆幫我地baby sit
❤️

講返餐飯,今次係第二次黎Hong Kong Gold Coast Hotel既Prime Rib,上次仲陀緊濤哥,記得謹姐又跑來跑去,都無好好enjoy到呢個咁浪漫既環境,對住個泳池view,飲住紅酒食咁有質素的牛扒,呢個價錢(約$588 未計加一)既Prime Rib dinner set 真係好難搵到。我地今次黎係知道佢地轉左menu,上次既牛扒和羊膝實在太難忘,所以今次都有叫返呢兩個main dish。

另外,佢地既starters亦多左好多好多選擇,今次試左Blue Chesses Buffalo Wings ,嘩! 呢個配搭我地第一次試,buffalo wing既酸酸甜甜配上blue cheese 原來可以咁夾,之後仲有個最心愛既法國洋蔥湯,唔係好多地方有得飲架,所以見到有我一定會叫,湯係超濃洋蔥base,溶晒既洋蔥和芝士加埋一齊,嘩!真係不得了!

而甜品方面,佢地既Apple crumble 絕對係招牌dish,叫一個四個人食都夠,份量十足,對於強哥黎講,每次食Apple crumble 都可以幫佢解開思鄉之苦,因為奶奶都整得好好食架,老公話返加拿大我要第一時間學喎😆

認真既,呢間扒房,我同強哥200%推薦,大家湊仔忙返工忙,都唔好得閒跟另一半來個獨處,吃餐浪漫的晚餐,感情是需要花時間和心思去維繫的

更多精選內容