星級靚媽去學煮 毛舜筠 蔣怡 藍帶畢業做廚神

星級靚媽去學煮 毛舜筠 蔣怡 藍帶畢業做廚神

近年大台搵來不少藝人教煮餸,好似肥媽、黃淑儀 、May姐、李家鼎等個個廚藝了得,其中鼎爺主持嘅 《阿爺廚房》深受觀眾好評,唔止節目添食推出第二輯,食譜書仲賣到一度斷市,人氣爆燈。其實除了以上星級「教煮」,仲有幾位星級靚媽都係廚藝 高手,佢哋都曾經在世界最大的廚藝學校的「藍帶國際學院」(下簡稱「藍帶」)修讀甚至畢業,認真犀利!

撰文:Sundaykiss

圖片來源:毛舜筠微博、蔣怡Facebook、梁家玉Facebook、黃婉曼Facebook

毛舜筠

對煮食甚有興趣的毛姐毛舜筠喺拍《愛.回家之八時入席》之前,已喺法國讀過藍帶廚師初級課程, 拍罷毛姐決心要進修,今年1月飛到日本報讀藍帶國際學院的烘培及甜點課程,花兩個月時間攞到畢業證書。好學嘅毛姐早前上杜汶澤主持嘅《杜汶澤‧食住上》,透露今年11月會再去法國藍帶國際學院讀高級課程,真係堅揪!

 

毛舜筠喺《杜汶澤食住上》自爆話:「法國大廚問我係咪19歲,有次我去美國買酒又俾人查牌。」

 

 

毛姐說:「我好鍾意煮嘢食,係我嘅興趣,去讀係一個夢想。」佢除了在微博晒親自下廚的食物,還有一系列嘅刀!

 

丈夫區丁平及兩個靚囡囡令山同埋亦山,都相當支持毛姐去法國學廚!

蔣怡

2012年名模蔣怡(Coco)準備實現藍帶廚藝夢時,突然發現懷孕,計畫只好暫停。直至2014年,蔣怡因友人過世有感生命無常,希望能實現自己最想做的事,於是在女兒嗡嗡僅14個月大時,獨自飛往英國倫敦的藍帶廚藝學校,以9個月時間、耗費400多萬台幣,攞咗藍帶最高榮譽頭銜,Coco由名模、藝人變成藍帶主廚,並出書《蔣怡的藍帶成長日誌》,分享學廚點滴及成果!

 

蔣怡也曾想過若畢不了業,大不了繼續當她的Model就好,直到畢業那一天,一切超乎想像,不僅拿到三面獎牌,成績還是全校第一名。

 

 

 

9個月離鄉求學的日子,蔣怡常因思念女兒與老公翁狄森而以淚洗面,她說:「其實開心與辛苦是一半一半, 每天置身廚房,和一群都是愛吃愛煮的同學打拼,是很開心的事情。」

Mark嫂梁家玉

Mark嫂雷頌德嘅太太梁家玉(Jade)都變咗女廚師,佢曾經在無綫做過烹飪節目《閨密教煮》主持,今年佢就遠赴英國兩星期讀藍帶廚藝課程期學整甜品。

 

 

黃婉曼、徐淑敏

前TVB天氣女郎黃婉曼(Icy)下嫁會計師兼馬主馮柏基後,躍升馬主夫人,近年佢仲踏進麵包世界,遠赴日本入讀法國藍帶廚藝學院的麵包課程,學藝三個月,學成歸來大搞麵包學校做「校監」。而Icy的好友徐淑敏(Suki)亦曾赴日本報讀法國藍帶課程,為期三個月,短短日子學了六十個菜式。

更多精選內容