Cordis Hotel「 保育小熊貓 」下午茶自助餐

Cordis Hotel「 保育小熊貓 」下午茶自助餐

婆婆生日快樂!

❤️今日係婆婆18歲生日🙊

❤️
當然要帶婆婆去好好慶祝一下啦!今日黎到The Place 食呢個可愛到不得了既「 保育小熊貓 」下午茶自助餐🍰

公公婆婆成日話而家食唔到咁多野,有幾次夜晚因爲食太多,仲話頂住訓唔到覺好唔舒服,所以下午茶自助餐都係一個不錯既選擇,食完呢個下午茶已經飽到唔想食晚飯啦,哈哈!相對健康好多卦,嘻嘻!

🤣

而呢個自助餐最驚喜之處係以為下午茶實無咩好野食啦,但結果係surprisingly 多食物選擇,有即點即切刺身,更有四款口味的Movenpick雪糕,以下午茶自助餐黎講,絕對無星級選擇啦!

飲品方面有唔少選擇,橙汁、紅莓汁及果茶等,又有小朋友最愛既自助班戟機,謹姐好興奮,仲同強哥狂加朱古力醬,呢兩個人仔呢!一見到甜點就難自控!

為左配合主題,場內仲有小熊貓造型的大蛋糕及杯子蛋糕,好可愛既小熊貓圖案,小朋友見到特別開心!仲有好多配料可以DIY cookies,真係好岩小朋友黎!

😍

😍

婆婆公公開頭都有問我,下午茶會唔會無咩野食架,點知最後兩個都好滿意呢個super tea buffet,下午茶都有即點即切既三文魚及鯛魚刺身,亦有好多卷物選擇,好適合小朋友食。另外仲有炸蝦春卷、泰式魚餅、塘揚炸雞、泰式咖哩雞薯仔、韓式餃子等熱盤,最特別的兩種還有黑松露炒蛋和芝士豆腐,都係好有心思既款式。

而叉燒太陽蛋飯亦整得好好食,細細碗,謹姐都食左一碗架!🤗

而甜品方面亦係今次既亮點,有銅鑼燒、士多啤梨奶凍、紅豆糕、歌劇蛋糕、蛋糕仔、紐約芝士蛋糕、椰汁糕、椰汁粟米糕、杏挑撻、特濃朱古力餅… 水果就岩晒濤哥,有鮮橙、西瓜、蜜瓜等

😋

最開心係有小朋友手工workshop,Cody 仲出黎同大家拍照,仲送左有豐富小禮物的小熊貓背包比在場每個小朋友。

🙌🏻旺角 Cordis 康得思酒店 The Place 於9月16日至10月15日期間,推出心思滿載的「保育小熊貓」下午茶自助餐,成人$248/位兼可免費帶兩位6歲或以下小童進場(小童原價$198/位),大家都帶埋小朋友一家大細黎啦!🙌🏻

Cordis, Hong Kong 香港康得思酒店

更多精選內容