樊少皇返港陪做產檢 大肚JJ賈曉晨 肥肚不肥身

樊少皇返港陪做產檢 大肚JJ賈曉晨 肥肚不肥身

樊少皇同細十年的賈曉晨(JJ)去年終於拉埋天窗,今年六月,樊少皇44歲生日,JJ宣布造人成功。雖然JJ未有透露懷孕的幾多個月,但相信至少懷孕六個月!見她不時在其社交平台透露懷孕近況,原來JJ在懷孕初期經常咳嗽,幸而經過食療逐漸康復,JJ又透露近來胃口不錯,從相中所見JJ都屬於「 肥肚不肥身 」的靚靚孕媽,真係得天獨厚!

撰文:Sunday Kiss

圖片來源:新傳媒資料庫、賈曉晨微博、樊少皇微博

造人成功賈曉晨 肥肚不肥身

現年44歲嘅「力王」樊少皇與前度女友育有一子一女,有報道指大女同細仔今年已經大約20歲同15歲。樊少皇喺去年與拍拖3年的女友賈曉晨結婚,JJ喺樊少皇生日當天貼咗張同狗仔嘅「全家幅」,已明顯見到肚凸凸,樊少皇同JJ未幾終於在微博公佈喜訊,上載一張互相對望嘅sweet爆合照,各自拎住一杯茶,JJ留言﹕「謝謝大家的祝福!是的,我們現在三個人了!」而樊少皇也轉發JJ的貼文,仲用咗一男一女同一個BB嘅EMOJI圖案,代表佢哋一家三口。

 

相片只影半身,JJ仲不經意用手遮肚,但相信能夠公佈懷孕的喜訊都已經過咗3個月啦!

 

樊少皇 陪返港做產檢

婚後二人北上發展,近年在內地定居,鮮有在港露面,不過,JJ自從有BB後都選擇定期返港做產檢,而身在外地拍戲嘅樊少皇都有向劇組申請放假,陪大肚妻返港做產前檢查,真係廿四孝老公!

 

樊少皇努力拍戲搵奶粉錢,因為陪太太做產檢才能見面,難怪分別時JJ會咁難受!

 

雖然偶爾樊少皇未能返港陪做產檢,但JJ都叫老公唔使擔心,自言係超人媽媽會好好照顧自己!

手腳仍然纖幼

雖然JJ保持神秘,未有透露懷孕幾多個月,但見佢手腳纖幼,面頰尖尖的,加上經常以全黑及鬆身衫打扮,成功遮住孕肚!而早年和JJ同公司的師妹蔚雨芯(Rainky)出席活動時透露,曾經和懷孕中的JJ見過面:「之前佢返香港有見面。(佢有冇發福?)冇喎,塊面仲好尖。」

 

 

食量有增無減

據知,JJ在懷孕後全面停工安胎,而在懷孕初期她經常咳嗽不止,夜晚未能入睡,食慾不振,幸而經過食療的調理已痊癒。JJ自言懷孕後的「工作」只有食和睡,現在隨著懷孕周數增加食慾也大增,不過JJ都會好好控制食量,例如吃她最愛的薄餅,都只會選擇「薄批」和素食,難怪她能「肥肚不肥身」啦!

 

 

通常大肚婆都戒生冷食物,JJ本來也嚴守不吃生冷食物,但日前破例吃一杯生果乳酪!

郊遊、散步 當做運動

腹大便便的JJ當然不能做劇烈運動,但她不時會帶著兩隻心愛的狗狗去行山、郊遊當做運動,JJ直言呼吸新鮮空氣和曬曬太陽,心情都自然好!食得多,但也會做少量運動,難怪JJ能肥肚不肥身,當一個美麗孕媽媽啦!

JJ偶爾會到帶兩隻犬到戶外走走,放狗順道散步,一舉兩得!

 

 

 

更多精選內容