張兆輝教仔心得:承傳上一代家教

張兆輝教仔心得:承傳上一代家教

《使徒行者2》昨日首播,網民一開始大讚節奏緊張刺激,很有追看性!雖然今集無咗釘姐同爆Seed,不過卓凱(苗僑偉飾)同歡喜哥(許紹雄飾)繼續Chok爆登場!可是首集尾聲突然發生爆炸,五位卧底同告殉職,網民驚訝第一集已經咁煽情之餘,但原來飾演黎Sir的張兆輝今集也被槍殺!

 

撰文:Sunday Kiss
圖片:微博、新傳媒資料庫、TVB節目劇照

黎Sir因發現重大秘密,得知有機會令他手下五個臥底的身分曝光,情急下將臥底檔案刪除,之後遭到神秘槍手狙擊。黎Sir出演兩集就殉職,粉絲一定好失望啦!現實中育有一子一女的 張兆輝 非常「黐」細女卓姿,而囡囡亦好識做,決定不跟隨哥哥卓鏗出國讀書,直至大學,輝哥亦已做定心理準備,學會放手。

張兆輝在劇中飾演卓sir的好友。

 

承傳上一代家教

張兆輝早前接受訪問時表示,自己育兒心得不多,不過一講又滔滔不絕,「全靠我爸爸媽媽以前教落,我哋六七十年代,小朋友都係百 厭唔聽話,個個屋企都比較嚴厲,會灌輸一啲基本規矩俾我哋,到我長大出來社會捱世界,就覺得好彩細個學咗應該要學嘅規矩,如果唔係就會俾人話冇家教。」 到輝哥做人爸爸,也決心做好家教,承傳父母的一套價值觀,灌輸給仔女,「如果唔灌輸俾佢哋就冇嘢學,我將細個學過嘅嘢,或者經歷過嘅嘢,講番俾佢哋聽。當 然唔可以好似以前咁嚴厲,但都算嚴㗎喇,小朋友6歲前都要命令式,大個咗就要有商有量。」有些基本規矩,他覺得仔女一定要遵守,不得異議,「例如出去同家 人食飯、去飲茶,佢哋可能會覺得悶,但我一定要佢哋跟我去,以前我哋覺得好正啦,唔係成日有茶飲㗎嘛。」

爹哋鬧人好暴躁

輝哥想做一個嚴父,但囡囡卓姿未驚過,還可理性分析父母鬧人之別,「爹哋其實唔係太嚴厲,有朋友個爹哋仲嚴厲。」爹哋還是媽 咪嚴些?「我講事實呀,唔好鬧我!爹哋第一次會話『嗱,你下次唔好咁做喇。』第二次就會鬧!媽咪第一次就唔算鬧,但就話你『做乜做唔好呀?下次唔好呀!』 講嘢暴躁啲,爹哋就第二次先暴躁。」
被囡囡指暴躁,輝哥立即解畫,「第一次係俾機會你,話俾你聽提醒你,已經比以前唔同㗎喇,以前你爺爺係冇第一二次,一嚟就鬧㗎喇!」多唔多懲罰仔女呀?父女異口同聲:「有罰!佢已經被罰得最少㗎喇,最多打屁股!」卓姿補多句氹番爸爸,「其實爹哋好溫柔嘅,媽咪都係。」

{"IPTC-DATA":"NMG","data":{"photoID":2328242}}
張兆輝 和囡囡卓姿感情甚好

主力拍電影 全為家庭

為了陪伴仔女成長,輝哥在仔女頭十年也堅持留港工作,主力拍電影,拒拍劇集。「太太一個好難照顧晒佢哋,多個人多雙手,拍劇會冇晒私人時間,電影就有,同 埋我有自己生意。依家諗番係啱㗎,美好回憶,就係呢十年。」張太感激丈夫的付出,能攜手見證仔女成長片段,「小朋友跟你只係頭12年,12、13歲你想黐 都開始冇得黐,所以佢頭十年都冇離開過屋企超過一星期。」
{"IPTC-DATA":"NMG","data":{"photoID":2328251}}

寵愛小女兒

父母多數寵愛小女兒,又驚囡囡學壞、蝕底,當正受保護動物,但輝哥對大仔着緊一點,「內心對兩個係一樣,雖然以前我都有幫手湊外甥,但大仔係我第一個小朋友,樣樣嘢都會緊張啲, 照顧多啲。反而到個女,可能我熟手咗,已經跟得冇咁足。好多人話我實錫個女多啲,我成日都同佢哋講,大仔細個時我哋當佢小寶貝,依家大個咗先唔使照顧咁 多,就去照顧細女,唔係照顧邊個多啲,我只係覺得對個仔要嚴啲,始終男仔會出來闖世界,將來要養家庭,照顧唔到老婆,邊個肯同你過世。」

{"IPTC-DATA":"NMG","data":{"photoID":2067372}}
大仔張卓鏗與囡囡張卓姿
大仔Edison,思想早熟,早於高小階段發覺自己不適合主流學校,主動提出轉校至啟思中學,校風自由國際化,成績大 躍進,更及早為自己將來打算,自己搜集所有英國留學資訊,更成功考入當地中學,成績斐然。「佢中二已經想去英國,我話你攞唔到好成績,冇學校會收你,咁佢 自己要求轉校,即刻攞到好成績話要去英國,我話成績表先啱啱出,你都要俾啲時間我,後來我搵咗三間排名幾好嘅學校,我話你考到就俾你去,又俾佢考到。」張太說。

{"IPTC-DATA":"NMG","data":{"photoID":2328244}}
Edison 長得高過爸爸,輝哥透露阿仔鍾意食炒飯、勤做gym,可能有助快高長大。

大仔赴英求學 立志做機師

Edison立志做一名飛機師,正朝着目標努力進發,大部分科目奪A,尤其對數學、地理及歷史有興趣,輝哥會盡力幫他完成夢想。「佢有抱負,而我又有能力,一定會盡力幫佢完成,我哋以前就冇辦法啫,佢有呢個諗法我都估唔到。」
201110241723246297692739
{"IPTC-DATA":"NMG","data":{"photoID":2328239}}

更多精選內容