細女第一次食嬰兒糊 謝安琪 炮製新鮮有機米糊

細女第一次食嬰兒糊 謝安琪 炮製新鮮有機米糊

謝安琪(Kay)自從今年三月誕下細女張靖(Karina)後,專心做全職媽媽,Kay話暫時未有復出的打算,要好好享受家庭樂。雖然係咁,但Kay都冇唔記得一班樂迷,佢不時會在其Facebook專頁分享湊仔女嘅點滴!Karina依家5個多月大,可以開始食固體食物,一向鍾意食有機食物嘅Kay,專登整咗新鮮嘅有機米糊畀囡囡食,見Karina食得津津有味,作為媽媽嘅Kay梗係好開心啦!

謝安琪 愛吃有機食物

謝安琪為老公張繼聰成功追女,加埋大仔張瞻湊成「好」字。之前二人為Karina喺迪士尼豪搞百日宴時,Kay揚言要做全職奶媽,實行無了期停工湊女:「希望可以餵足一年母乳!真係擺低工作,以家庭為先,囡囡都係得幾個月,雖然囝囝10歲,但都係要傾偈嘅階段,只要睇住小朋友開心就乜都值得!」Kay一向提倡健康生活,佢早年曾經擔任「星級有機大使」,向大眾宣揚有機健康生活理念。所以佢除了堅持餵母乳,亦喜愛有機食品。

謝安琪、張繼聰先後生咗一對仔女,湊夠一個好字,好幸福!

 

張繼聰好顧家,唔使工作嘅日子都會享受親子樂,佢自言抱住囡囡都好冧!

 

張繼聰近年事業愈來愈順,有傳佢獲電影公司老闆蕭定一垂青以千萬簽約3年,難怪佢孭起全家開支都毫無難度!

開始吃固體食物 首選有機

細女張靖目前5個多月大,可以試食固體食物,母乳媽媽Kay向來鍾情有機食物,所以囡囡第一次食固體食物都要食得健康,原來Kay用咗有機米去整糊仔餵囡囡食,難得囡囡食得好滋味,做媽咪嘅當然最開心。Kay仲留言話見到個女食糊,佢都想食,不過係打麻將嘅「食糊」,認真幽默!

Kay為咗囡囡嘅飲食花盡心思,囡囡首次進食固體食物,Kay都用有機米去整米糊,張靖真係個幸福小公主!

 

張靖呢個look好女仔,好可愛!

 

張靖四個月大表情多多,似足爸爸!

 

Kay笑言睇到囡囡食糊,佢都想食糊,講緊嘅係打麻將!

張瞻 有玩具陪吃飯

睇得出謝安琪好享受全職媽媽的生活,除了用心照顧囡囡,也沒有忽略大仔張瞻。日前Kay透露10歲的瞻瞻吃飯時,會揀一件心愛的玩具陪用餐,還說兒子的食量很大呢!

 

唔經唔覺張瞻已經10歲,睇真啲真係同爸爸張繼聰好似樣!

 

Kay說兒子會揀一件心愛的玩具陪吃飯還會餵飲水,好搞笑!

 

張瞻 很有大哥哥風範

家中添了一個妹妹,但10歲張瞻並沒有因此而呷醋和爭寵,反而對妹妹疼錫有加。張繼聰之前出席公開活動曾經大讚兒子:「我個仔抱我個女抱得好溫柔,初初都擔心個仔點樣對妹妹,但睇到他又幾柔情,當妹妹喊時,他好溫柔叫妹妹不要喊,哥哥喺度。」而張瞻外出也不時掛念在家的妹妹,亦曾經要求媽咪畀佢和妹妹玩視像通話,一見妹妹就掛念到想哭,真係好sweet呀!

 

 

低調出巡

至於謝安琪雖然忙於照顧一對寶貝仔女,但偶爾也享受一個人購物,輕鬆一下,而她最愛的造型,是化淡妝和戴帽,每次出巡也成功隱身於鬧市和商場中!

Kay除了忙湊仔,都會抽空做運動修身,見佢近照面尖尖下巴也尖尖,明顯成功!

 

Kay最愛戴住呢頂草帽出巡,呢日佢喺繁忙時間成功隱身,搭馬鐵去街街!

 

Kay話一場出到去,要去車站的咖啡店歎一杯「啡」!

更多精選內容