恨再做家姐 陸永大女 誤以為爸爸用「種子」生BB

恨再做家姐 陸永大女 誤以為爸爸用「種子」生BB

陸永老婆Reina(陳莉娜)向來喜歡於社交媒體分享兩個寶貝女陸一穎(Hannah)和陸一心(Sim Sim)的生活點滴。Hannah 和Sim Sim愛做媽媽的模特兒,更不時鬧出笑料,氹得一家人非常開心。早前Reina又再分享家中趣事,今次係陸永大女Hannah嘅一個可愛誤會!

撰文:Sunday Kiss

圖片:Reina Instagram

陸永大女 想媽媽再生BB

每晚臨睡前,陸永母女會在枕頭邊傾密偈,增加親子關係,估唔到今次又鬧出笑料。Hannah問媽媽再生BB會改咩名,仲話想爸爸擺「種子」入媽媽度,睇嚟好想再做家姐!

陸永大女種子論1

Hannah之所以咁講,原來源於媽媽早前向佢解釋嘅由來。話說陸永嫂向Hannah講:「爸爸放咗啲『種子』喺媽咪個肚入面,粒種子會慢慢變成一個BB……住到媽咪個肚唔夠位就要拎出嚟」,呢個解釋連Reina自己都話唔係幾好,難怪做成一個可愛嘅誤會啦!

陸永大女種子論2

人身鬼大 深得網民歡喜

一眾網民亦對是次母女對答表示「好搞笑」!其實為人父母的,應該都曾經頭痛如何回答呢條世紀難題。好多網民都大讚Reina說:「我覺得解釋得唔錯」、「描述得唔錯,不過可以借機會講下性教育 」、「解釋得好好,我get到啦」。

陸永大女種子論3

 

陸永大女種子論4

網民期待陸永囡囡再做家姐

另一派理性網民則非常支持Reina再生多個,更期待做慣妹妹的二女Sim Sim做家姐,向Reina留言說:「咁就生個細佬比佢啦!又唔係養唔起!」、「都好喎睇下simsim做人家姐係點既」。不知陸永大女的「種子論」有無令陸永心郁郁,想生多個呢?!

陸永大女種子論5

 

陸永大女種子論6

充滿愛的陸家

陸永與老婆Reina 2011年奉女成婚,第二年大女一穎出世,陸永曾話過:「反正有一個BB要照顧,咁就拿拿淋生多個,怕隔太耐唔記得咗點湊囡!」所以隔咗年半,細女一心就出世啦!陸永為咗老婆同兩個前世情人亦非常努力工作,係娛樂圈公認嘅好爸爸。

 

 

更多精選內容