張瞻張靖與爸爸撞樣 張繼聰:「希望佢地快啲似返媽咪」

張瞻張靖與爸爸撞樣 張繼聰:「希望佢地快啲似返媽咪」

張繼聰一直被公認為圈中好爸爸,自從老婆謝安琪誕下細女張靖(Karina),他更變成女兒奴,整天都在分享囡囡的生活照。 近日張繼聰自稱分享症發作,上載了子女BB相與自己兒時的對比圖。一看發現張瞻張靖與爸爸相似程度極高,連Louis自己都笑說希望兩兄妹似返媽咪多啲!

撰文:Sunday Kiss

圖片:張繼聰 Facebook

爸爸基因太強張繼聰:「希望佢地快啲似返媽咪」

張繼聰上載了子女張瞻張靖的BB相,兄妹完全撞樣!驚喜一浪接一浪,他再貼出自己做童星時拍下的照片,三父女的兒時照片併在一起,完全分不出誰是誰。網友都直呼:「爸爸基因太強」、「女生男相,日後必定係靚女」,更祝福Karina「長大後會似媽媽」。張繼聰亦留言:「我愛我對小朋友,愛到希望佢地快啲似番佢地媽咪」。有個靚老婆,當然希望子女遺傳到她的良好基因。

張瞻張靖

張瞻張靖2

提及父子撞樣,一定要回顧這張經典照。兩張相的拍攝日子相隔29年,除了依然帥氣的杜德偉,連右邊的小朋友亦超似樣。事關左圖男生為童年張繼聰,右圖則是他的兒子張瞻!二人是圈中數一數二的餅印父子,但原來除了外貌,他們還有同樣嗜好。是甚麼嗜好?來看阿聰開估!

張瞻張靖3

原來張瞻長大後和爸爸一樣愛騷肌,果然是有其父必有其子。

顧家張繼聰 用餘生來照顧家人

張繼聰與謝安琪今年追女成功,小公主張靖現在已半歲了!當時阿聰被問到是否會抽更多時間照顧家人,他非常有承擔的表示:「我嘅餘生都係照顧佢哋!」阿聰講得出做得到,更不時上載家庭生活照以證明對家人的重視。早前他張貼與Karina的自拍短片,豈料囡囡中途忽然嘔奶,即時嚇呆阿聰,場面十分搞笑。

有爸爸強壯的臂彎抱著,KakaBall笑得特別甜。有個以家庭為先的爸爸,實在太幸福!

謝安琪全職湊女 未計劃復出

KakaBall才數個月大,身為媽媽的Kay當然還未捨得復出工作。早前她透露:「希望可以餵足一年人奶!真係擺低工作,以家庭為先,囡囡都係得幾個月,雖然囝囝10歲,但都係要傾偈嘅階段,只要睇住小朋友開心就乜都值得!」Kay用心照顧一對子女的起居飲食,一眾歌迷亦非常愛錫Kay媽,更期待有朝一日看見偶像以最佳狀態復出唱歌。


張瞻張靖兄妹情深

家中添了一個妹妹,但10歲張瞻並沒有因此而呷醋和爭寵,反而對妹妹疼錫有加。張繼聰之前出席公開活動曾經大讚兒子:「我個仔抱我個女抱得好溫柔,初初都擔心個仔點樣對妹妹,但睇到他又幾柔情,當妹妹喊時,他好溫柔叫妹妹不要喊,哥哥喺度。」而張瞻外出也不時掛念在家的妹妹,亦曾經要求媽咪畀佢和妹妹玩視像通話,一見妹妹就掛念到想哭,真係好sweet呀!張氏一家心連心,幸福表露無遺。

更多精選內容