中秋親子Food and Music市集@青衣城

中秋親子Food and Music市集@青衣城

玩燈籠、食月餅,係好多人嘅中秋節目,今年我一家人加碼去埋青衣城,嘆法日台泰越歐美等全球直送高質滋味,享受精選「一蚊美味」,以及聽明星同一眾音樂單位唱歌表演,過一個開心、熱鬧嘅中秋節。

 

未入場 先興奮

離遠已經聞到一陣好香嘅鮑魚味同湯味,行多兩步更聞到牛肉乾、豬肉鬆嘅味道,Keicy 同 Kassy 即刻好興奮大叫:「好香呀!」,然後直奔攤位!


盡享期間限定優惠

我身為媽媽,當然要保持冷靜,睇吓有咩值得入手啦!雖然現場環球美食多到睇都睇唔晒,但係最吸引我眼球嘅,係期間限定商品,例如 Keicy 手上攞住呢兩包台灣麵,剩係青衣城先買到,外面冇得賣㗎!

部分攤位,仲會喺周末同假日推出唔同嘅精選「一蚊美味」,包括「泰國清邁菠蘿仔」、「大大粒甘栗」、「馬拉手製薩琪瑪」、「涼拌酒釀一口飽魚」、「香啡菇」、「麻辣小籠包」、「美國切片蔓越莓」、「原木花菇」、「草莓脆」、「日本丹波抹茶黑豆」、「祝奇餅曲奇」、「野生蜂蜜飲品」同 Keicy 手上呢支「乳酪多唧唧冰」。


下載APP登記留美食

登記成為 I’MSmart 會員,就可以預留以上限量優惠!手快快登記咗,就可以一百幾十蚊,全家食到飽一飽,捧住個肚走喇!

 

超開心試食

現場仲有好多免費試食試飲,可能唔攞錢,剩係試食,行兩個圈都飽晒,哈哈!

Keicy 好鍾意飲椰子鮑魚雞湯,有啲椰子味,超好飲,亦都有小朋友最鍾意嘅甜品,包括糯米糍,以及好香口嘅蝦餅同魷魚,成日食魷魚絲嘅 Keicy 同 Kassy,畀魷魚攤位吸引住,因為有部機即場炮製,兩姊妹可以見到晒成個製作過程,由一塊塊咁樣,經過個轆之後,就變成一條條魷魚絲喇!睇吓試食過程啦!

雖然試食食到飽飽地,不過因為啲嘢食嘢飲太好味,又好平好抵,所以大量入手,買晒返屋企!

同場放送好音樂

青衣城地方夠大,可以食飽飽之後行吓街、散吓步,夾啱時間仲可以賞月,又或者去一樓夢幻大堂聽好音樂㖭!

23/9, 2pm:龔嘉欣、張振朗將會唱歌+同現場觀眾大玩遊戲。

30/9, 2pm:張彥博、莫凱謙會帶嚟周六好聲音。各單位將會逢星期六準時開唱!

20/9-8/10: 逢周末,更有一眾音樂人同觀場朋友 Busking

 

可以一路聽歌,一路行街,一路食嘢咁開心,家長們唔好錯過呀!

FB: KeicyKK

 

更多精選內容