乖巧又聽話 莫可欣囡囡 陪媽咪去超市買餸

乖巧又聽話 莫可欣囡囡 陪媽咪去超市買餸

前港姐冠軍莫可欣同型男方中信育有一女符迦晴(方中信原名叫符力),依家迦晴9歲,之前方中信仲成日公開盛讚老婆識同自己溝通,兼且教女有方!早前迦晴陪媽咪去超市買餸,全程冇扭計要買零食,的確好乖巧聽話!

撰文:Sunday Kiss

圖片來源:新傳媒圖片庫、方中信微博

感恩囡囡走進二人的生命

方中信同莫可欣拍拖12年,07年12月30日,當年44歲嘅方中信,同當年38歲嘅93年港姐冠軍莫可欣親證將於08年6月誕鼠年BB,原本打算待生B後才籌備婚禮,但最後方中信喺莫可欣生B前兩日簽紙結婚。早前莫可欣喺奇妙電視嘅節目《朝拜傲媽》中承認,最初從未想過生兒育女,生孩子並非二人計劃及意料中的事;但承認女兒出生後,對她夫婦的人生觀及生命都有所改變,現在她凡事以孩子行先,做人亦更有目標,她很感恩迦晴在二人的生命中出現。

方中信都好顧家,不時陪老婆囡囡去旅行!

 

型男方中信外表好cool,但其實係一名慈父,對迦晴相當疼錫。

 

父女手拖手去環球片場,好有愛!

 

方中信仲會同囡囡去參觀博物館,不過就笑囡囡有時很細膽。

方中信 有女萬事足

自從結咗婚又生埋女,方中信由不羈男轉做顧家男,仲好愛錫囡囡,不時喺微博上載同囡囡、太太嘅旅行照放閃,愛車嘅方中信仲帶埋囡囡一齊去賽睇車,相信父女間好多話題!

年中唔少日子都要走南闖北在外打拼,方中信早排就讚過老婆莫可欣教女有方,亦會俾囡囡足夠自由。

 

方中信是愛車之人,但他不忘送囡囡一架兒童電單車!

 

 

咪以為型男外表cool cool至殺食,睇吓方中信幫愛女拎書包,其實一樣好冧!

迦晴 陪媽媽去超市

迦晴呢日好乖乖豬陪媽媽去寓所附近一間超市入貨。兩母女一身便服悠遊自在,媽媽有媽媽採購,囡囡有囡囡自己四圍行,當正自己地方一樣,唔使問平日去慣去熟。9歲迦晴已經亭亭玉立、腳仔長長,高度就嚟拍得住媽咪。

莫可欣愛惜地球,去超市都自備環保袋,抵讚!

 

迦晴見到零食只係齋睇,冇扭計要媽咪買!

 

莫可欣埋單畀錢,囡囡企埋一邊等,很聽話!

 

 

更多精選內容