BLW幾時開始?張嘉兒:實行前需要注意的4件事

BLW幾時開始?張嘉兒:實行前需要注意的4件事

嬰兒主導嘅斷奶方式 Baby Led Weaning (BLW),簡單來講就係讓孩子自行餵食,唔需要用匙羹餵佢,唔需要將食物搞爛,或者餵傳統嘅粥。嬰兒主導餵食方式(BLW)鼓勵寶寶自己去抓任何食物咬、吸、舔,這對咀嚼力及飲食習慣建立都有幫助。如果真係想行嬰兒主導餵食方式,BLW幾時開始?點樣開始?有咩嘢要準備?有咩要注意?同埋應該食啲咩呢?

 

撰文:張嘉兒 (Mama College 張嘉兒
相片:張嘉兒 (Mama College 張嘉兒

如果真係想行嬰兒主導餵食方式 Baby Led weaning,有幾樣嘢我想大家要注意嘅。

1) 同家人商量

媽媽需要同家人商量,解釋你將會咁樣去餵BB食嘢。大家需要一個共識,因為始終呢個唔係一個傳統餵食粥仔嘅餵食方法,老人家可能會唔鍾意。

2) 要做好清潔的準備

呢一種食法係會超級亂嘅,需要好多時間去清潔。

最開心就係見佢胃口好,咩嘢都肯試吓,不過每次都會食到天一半,地一半!

3) 要有耐性

媽媽要有耐性,唔可以急,吹BB食嘢。BB要時間學習,你要俾機會佢練習。

4)人奶或者奶粉仍然係主食

用BLW呢種餵食方法,BB係未必可以將所有食物吞落肚,尤其係初學嘅寶寶。因此,人奶或者奶粉仍然係0-12個月BB主要嘅食物,提供所有營養。

嬰兒主導的斷奶方式 BLW – 應該食啲咩呢?BLW點樣準備?

其實有好多食物都食得。大部份時間,我都係將啲食物蒸到軟熟為止,然後切成一條條,等BB用手自己揸住嚟食。

如果想認識更多關於嬰兒主導的斷奶方式 (BLW)就收看我嘅video啦。
希望幫到大家。歡迎大家留言。多謝。

 

關鍵詞
育兒

更多精選內容