當BB遇上「BB」 黃心穎 抱Miki囝囝狂送香吻

當BB遇上「BB」 黃心穎 抱Miki囝囝狂送香吻

由黃心穎、C君、黃智雯、黃智賢等主演的新劇《雜警奇兵》於本周日(24日)晚在大台首播,在劇集中飾演新紮師妹的黃心穎,仲會以鋼牙look示人!雖然扮相唔靚,但現實中嘅「心穎BB」係宅男女神,笑容甜美,個性爽朗,早前呢位BB喺食肆遇上Miki楊愛瑾同佢囝囝Luken,心穎BB抱完再瘋狂送香吻,氹到Luken BB笑不停!

撰文:Sunday Kiss

圖片來源:黃心穎IG、Miki IG

黃心穎 送香吻畀BB

從心穎嘅Instagram限時動態短片所見,佢一見半歲大嘅Luken母愛出晒嚟,即時要抱佢,之後仲大讚Luken好識望鏡頭,之後仲送咗多個香吻畀BB,難得Luken眼大大笑瞇瞇,好鍾意呢位「BB」同佢玩!見心穎仲喺IG寫上「新男友仔」,相信男友馬國明應該唔會嬲豬!

 

心穎成功氹到Luken笑,令佢好開心,仲話BB有一對好似巨峰提子咁大嘅眼睛!

 

 

媽咪Miki都有入鏡,Luken望都眼都唔眨!

 

心穎對Luken愛不釋手,心穎咁喜歡小朋友,不如快啲同馬明結婚生番幾個啦!

 

Luken BB對眼,又真係好似巨峰提子咁大喎!

Miki 為愛子搞百日宴

早前Luken出世一百日喇,Miki幫愛子搞咗個百日宴派對,而Miki嘅好友譚凱琪(Zoie)都有出席,Zoie同樣讚Luken眼大大好得意。當日百日宴party以藍色做主題,周圍佈滿汽球,布置好清新,而Luken亦着住件藍色衫仔,萌爆!

 

 

Miki半年成功修身

楊愛瑾(Miki)與永安集團太子爺郭永淳婚後努力造人,今年3月底Miki生咗囝囝Luken,Luken眼大大似足父母。Miki不時會喺IG貼吓同囝囝、老公嘅合照,放閃一番。目前Luken半歲大,不時跟媽咪去游水,Miki已經成功修身,大晒23吋小蠻腰!

 

 

 

 

更多精選內容