如心南灣海景酒店渡假樂

如心南灣海景酒店渡假樂

今個周未黎到L’hotel Island South 如心南灣海景酒店渡假,因為住得比較遠既關係,所以好少過黎黃竹坑,但交通都算方面,黃竹坑地鐵站B出口行五分鐘就到啦!

酒店感覺好摩登,我地今次入住頂樓既Aqua Suite,超大既露台,有偏廳,都好岩一家大細或者二人世界住,個景對正海洋公園,望住覽車上上落落,nice view ah !

跟住我地去左游水,泳池雖然唔係好大,但就好岩我地年紀較細既小朋友去游,我地四點幾落到去岩岩好,唔太曬,好舒服!亦好suprise 有好多小朋友,謹姐玩得特別開心,而濤濤亦愈來愈comfortable係泳池啦!

之後晚餐,真心驚喜,因為第一次黎所以無好大期望,唔知道原來佢地有生蠔,非常驚喜!亦有多款刺身、長腳蟹、蟹蓋、凍蝦凍青口等。而熱盤亦有好多選擇,連長洲大魚蛋都有,勁!連蟹都有幾種煮法,的確細心。即炸天婦羅、即煎西冷、即滾尤魚牛柏葉,加上長洲魚蛋既咖哩汁,好有街頭風味!

甜品亦充滿驚喜,特別當發現有流心芝士tart,嘩!簡直開心到呢!強哥食左三個😂堅好食!每位成人更送上一個特色蟹蓋,我地選了黑松露焗蟹蓋,yummy !

呢餐自助餐好有驚喜,濤濤狂咬包,謹姐都食左唔少野!開開心心過了一個weekend,謝謝酒店細心安排,為強哥送上生日蛋糕!

大家都可以黎住返晚,必試佢地既自助餐,去完海洋公園訓返晚最岩啦!

更多精選內容