為B拒修身 楊洛婷 恨追仔 坐完月即造人

為B拒修身 楊洛婷 恨追仔 坐完月即造人

楊洛婷(Rabeea)兩年多前嫁給樂隊Dear Jane的主音黃天翱(Tim)後,到今年宣佈有喜,早前誕下6磅半囡囡Tanya Faith Wong,正式榮升爸爸、媽媽,兩夫婦不時在社交平台分享初為人父母的喜悅。好多媽媽都會擔心產後難收身,但Rabeea話一切以囡囡健康行先,加上同老公有意追多個仔,所以唔急於修身!

撰文:Sunday Kiss

圖片來源:楊洛婷IG

為B拒修身 楊洛婷 恨追仔 坐完月即造人

楊洛婷9月14日順產誕下重6磅半嘅囡囡Tanya,爸爸Tim亦都拍完電影趕得切入產房,親手幫囡囡剪臍帶,見證由人夫變人父嘅歷史性一刻,Tanya外表長得很像媽咪,皮膚白雪雪又好多頭髮,雙唇豐滿,雙腿又修長,兩人笑言話囡囡擁有模特兒標準身形,好適合娛樂圈發展。楊洛婷透露會餵母乳,又說女兒成日嘴嘟嘟:「佢好得意,嘴唇厚,食奶時都用力啜。老公聽到阿女喊聲話好嗲,仲成日喺手機聽番喊聲。」

作為新手爸爸的Tim大讚愛女眼大大,但認為湊B有難度:「換片、餵奶都好濕碎,最難係唔知佢點解喊,我都有幫BB換片,唔算難但要好細心。」

 

Rabeea13日凌晨陣痛,14日已經順利誕下囡囡Tanya,楊洛婷同老公第一時間上載一家三口合照公布喜訊。

 

 

時間較得啱啱好,一個星期前至發完輯又靚又性感嘅大肚相,一個星期後楊洛婷同老公Dear Jane主音黃天翱(Tim)嘅愛情結晶已經準時報到。

 

湊成個「好」字

雖然BB都仲未滿月,但兩公婆已經好ready好要追下一胎,陀女陀到增磅不少嘅Rabeea,話會擺BB健康喺頭位,所以唔急住修身,而且想一氣呵成追多個仔湊成個「好」字。問Rabeea幾時開工造人,佢甜到漏望住老公話:「下個月嚟啦!」Tim得戚說:「我幾時都準備好。」二人仲話聽聞生完頭一年都容易再中。睇嚟唔使好耐,Tanya會好快會有伴啦!

楊洛婷自爆囡囡呱呱落地一刻,自己興奮大叫,搞到產房好以開party一樣熱鬧。

 

 

Tanya表情多多仲會伸脷,真係萌爆BB!

自己換尿片 不假手於人

同好多新手媽媽一樣,楊洛婷有請陪月員幫手,佢仲大讚對方好幫得手,而且整咗好多美味嘅食物畀佢,冇請錯人咁話。雖然有陪月幫忙,但其實楊洛婷都會親自幫囡囡換片同餵奶,至於Tim亦有幫太太湊囡囡,他說:「親身感受到攰,唔會一覺瞓天光,只係得幾個鐘頭小休,好彩有陪月姐姐, BB比較靜態,唔係經常喊,我哋依家調校到時間,同太太輪流照顧BB。」兩公婆分工合作,相信楊洛婷可以安心坐月,好好休養身子!

 

 

更多精選內容