宏福苑爸爸墓碑前悼年幼愛女 忍痛看CCTV女兒最後畫面 大批網民落淚：頂唔順
宏福苑爸爸沒想過愛女會成為罹難者之一
港爸鄭先生表示，在宏福苑大火168名死者名單中有7人未滿18歲，他從未想過有「福地」之稱的香港、自己居住的地方會發生如此嚴重的災難，更沒料到愛女會成為罹難者之一。
宏福苑聽證會｜627頁陳詞還原大火真相 公開工人吸煙畫面及消防何偉豪身影 最後舉動感慨
他憶述女兒年紀雖小，卻非常乖巧懂事，曾因從學校取走玩具令母親傷心，隨即承諾：「我吾鍾意媽咪你喊，我吾會再做。」另一次外出扭計時，女兒亦向爸爸撒嬌表示「爸爸我吾想返去，我想癡住你，我會乖。」這些生活片段如今成為夫妻二人反覆回想的珍貴記憶。
宏福苑大火｜小行星以殉職消防員何偉豪命名 未婚妻公開天文學家楊光宇鼓勵淚崩訊息
宏福苑爸爸墓碑前悼念年幼愛女
大火發生8個月後，女兒長眠之處近日正式落成，鄭先生在社交平台上載自己身處女兒的墓前及交代近況，他寫道：「終於，係你離開8個月後，你長眠之處完成。」他坦言，這亦代表自己能為女兒處理的最後一件事告一段落。
鄭先生又憶起乖巧的女兒生前常說長大後想做甚麼，但奈何沒有以後，「爸爸知道你真係好乖，好生性，會諗你大個左會係一個點既人，會有咩成就，你成日都話等自己大個左要做啲咩。可惜，已經沒有然後。」
殉職消防員何偉豪未婚妻Kiki 大日子獨自登機完成摯愛約定 空位放1物惹淚崩
鄭先生強忍悲痛看家中CCTV女兒畫面
面對喪女之痛，鄭先生形容小朋友不只是下一代，更承載父母對未來的想像，「親人既離開好傷痛，但自己小朋友既離開一定係切膚之痛，因為佢吾只係自己既下一代，更係自己既未來，呢個未來而家完全失去左方向，每日就不停倒帶回憶以前快樂既時光。」
鄭先生早前強忍痛楚，鼓起勇氣打開家中閉路電視片段，見到大火前一晚自己抱着女兒的畫面，他形容當時心情相當複雜，「吾知係前一晚冇抱你，定冥冥中有主宰，爸爸個晚衫都未換，好想即刻抱下你，個一下既感覺好複雜，好似終於再可以抱到你，想將爸爸既愛透過擁抱呢一刻完全比晒你咁」，今天他感慨表示「邊個會知道呢一晚呢一刻既擁抱係最後一次，係今生今世既最後一次」，「再次見你個陣，吾係你放學返黎，吾係爸爸放工，而係去禮堂認相個陣，相入面你合埋左眼，衫同頭髮都濕晒，個咀因為吸入一氧化碳而變到紫色，心口掛住一個“DEAD”既牌，代表確認已經現場死亡，代表你從此係爸爸既生命裡登出了，呢個畫面會跟一世。」
宏福苑大火上樓｜全屋灰燼廢墟尋回亡妻婚戒「唔敢笑老婆戴唔到」戲劇性轉折網民齊喊
鄭先生約定愛女「至少我希望你係爸爸既懷抱入面離開」
鄭先生坦言，若可選擇離開方式，自己的唯一的期盼是「如果有得選擇，一定要用一種方式離開，至少我希望你係爸爸既懷抱入面離開」，隨後他向亡女深情喊話，安慰女兒不用擔心，並約定囡囡「爸爸一得閒就會黎探你」，又承諾女兒會努力生活，「爸爸下半生只有一件事做，就係努力過埋餘生既日子，快啲黎天堂搵你」，他的字句充滿無盡思念，令大批網民感動不已，很多網民都不禁流下眼淚，「睇頭幾行字已經頂唔順」。
何偉豪宏福苑大火殉職遭嘲笑 CCTV還原真相 胞兄及未婚妻發聲 罹難夫婦兒子兩度致歉
宏福苑大火聽證會 閉路曝光何偉豪殉職始末 100萬份檔案查明火源位置
大批網民鼓勵鄭先生夫婦：要活到盡頭，見到呢日為止
相關帖文引來逾6.3萬人讚好及超過2,700則留言，不少網民為鄭先生夫婦打氣，有人寫下「好好生活落去」、「囡囡一定好自豪有好愛好愛佢嘅爸爸媽媽」、「希望你撐住」及「爸爸，辛苦你啦！」；亦有人感觸表示「有些告別需要一輩子，很難受，但沒關係，她們給的愛足夠用一輩子。」另有留言鼓勵夫妻二人互相扶持，盼他們帶着女兒留下的愛繼續前行，「爸爸加油 同太太一齊互相支撐下去」，亦有其他人表示「我講唔出要你加油，因為我自己都做唔到，但係你一定要活下去，科技變得好快，唔知邊日我哋可以將佢哋完整咁帶返嚟，你要活到盡頭，見到呢一日為止。」
宏福苑大火殉職消防員何偉豪家屬獲615萬援助金 未婚妻Kiki憶述當日心碎一幕
未婚妻Kiki寫給何偉豪的信首曝光 何偉豪堅決做消防員原因令港人驕傲
