陳琪

陳琪孖胡諾言行山 手牽手陪著我走

熱話

廣告

陳琪同老公胡諾言一向都係圈中嘅模範夫妻,人前人後都咁恩愛。日前佢哋又再發功,喺社交網站放閃,原來佢哋賣甩三個囡囡,去咗行山拍拖!結咗婚都咁恩愛,讀者真係要戴定黑超至得!

撰文:Sunday Kiss

圖片:陳琪@Facebook,胡諾言@Facebook

陳琪 胡諾言 陪著你走

陳琪喺Facebook發文表揚老公陪佢行山,最緊要係有「胡仔」拖住佢行, 又唔嫌佢行得慢!雖然已經結婚多年,又生咗三個小情敵,但係兩小口仍然超級恩愛!佢哋幅相仲曬過行山個太陽喎!

 

 

陳琪仲話要知足常樂,活在當下!可能呢樣就係佢哋保持心境開朗嘅秘訣!

原來佢哋趁小朋友開咗學去馬鞍山郊野公園行山,享受二人世界!由馬鞍山公園行上昂平營地可以遠眺西貢海景色,行得辛苦啲都值得!

陳琪當然要化身「影后」,叫老公幫佢影返幾張靚相啦!

運動型夫妻 運動家庭樂

陳琪、胡諾言二人都十分熱愛運動,佢哋仲開始培養埋囡囡對運動嘅興趣,似乎誓要組織一個運動型家庭!

胡諾言 一向有做運動嘅習慣,經常見到佢喺社交網站放自己跑步嘅相片!

陳琪一樣會分享自己著住運動裝嘅相片,生咗三個小朋友身型仍然Fit爆,果然係運動型夫妻!

原來係帶埋囡囡一齊去主題樂園跑馬拉松!

成日一家大細一齊做運動,唔怪得佢哋兩小口好似食咗防腐劑咁!