求婚

9對藝人夫妻求婚過程大公開

娛樂

廣告

娛樂圈頻頻預告粉紅炸彈,當中范爺范冰冰在生日收到李晨鑽戒的求婚驚喜最「粉紅」。雖然求婚過情唔一定要浪漫,但話晒都係一個一生一世的承諾,俾到驚喜對方就最Sweet啦!以下呢9對藝人夫妻求婚過程有啲浪漫到不行,有啲蝦碌場面百出,有啲就只喺床邊講句「不如結婚啦!」就當求咗,唔知你同另一半嘅求婚過程又係點呢?

原文:More
編輯:Fiona3
相片:微博、IG、東星娛樂

9對藝人夫妻求婚過程大公開

范冰冰 李晨

范冰冰剛在9月16日過了36歲生日,跟她相戀兩年多的李晨早有準備,要給范爺最幸福難忘的生日。當天他在生日party期間當眾求婚,單膝下跪,拿出鑽戒求婚。穿著粉紅色裙、像公主般的范爺冧樣Say Yes!兩人之後發微博宣佈婚訊,未結婚已經sweet到不行。他們都無向記者提及真正婚期,未知是否已經閃婚呢?

范冰冰

孫耀威 陳美詩

孫耀威同陳美詩這一對,經歷了八年的愛情長跑,終於在今年七月結婚了!講到求婚過程,孫耀威 就話自己好大懵:「我妹妹住喺瑞士,我每年都會去探佢,嗰度有間甜品店係我老婆好鍾意食嘅,到我想求婚又唔知喺邊度求,就包咗呢間甜品店,買通埋個老闆,當佢叫甜品,送嚟嘅係戒指、花同香檳,當我一跪低想講:「嫁畀我好嗎?」都講唔出,太多感觸,自己喺度喊,我太太見到都知發生咩事,亦都好感觸、好感動,兩個人就跪喺度喊,喊咗好耐,先識笑,完全唔識得影相、冇任何鋪排,但呢個就係我哋兩個真實嘅相處。」

9對藝人夫妻求婚過程大公開

黎諾懿 李潔瑩

新手爸爸黎諾懿最近分享症發作,經常大晒囝囝小春雞萌照,顧家又錫老婆嘅佢,原來求婚過程一啲都唔浪漫!黎諾懿接受訪問時話:「我本身篤信玄學,有日,風水師同我講要結婚,唔係就要三年後,太太嗰時瞓喺我側邊,我就叫醒太太話結婚嘞,佢話哦,咁結囉!冇求婚!太太叫我買求婚戒指,幾個鐘後,太太話:『都係唔好,戴一世㗎,我信唔過你啲taste,我去揀完,你去畀錢啦!』之後仲要去餐廳扮求婚,我同太太講:『你都知嚟做咩,戒指你又見過,你覺得有咩驚喜呢?』佢話:『我唔理,你要做番。』求完,佢話:『都唔浪漫嘅!』我話你都知道晒,係唔會浪漫嘅。到生B,我同太太講:『老婆,我想生猴B!生咯!』佢話:『你可唔可以浪漫啲?」我話:「唔係呀,剩番半年,唔係想生就生到。』雖然最終生唔到猴B 生咗雞仔,但我就係咁唔浪漫。」

鍾嘉欣 Jeremy

鍾嘉欣 (Linda)與老公Jeremy二人的根源自加拿大,但相識於香港,種下不解緣。他們相識結婚不久後便誕下女兒Kelly,Linda形容現在自己擁有一個Wonderful Family!不過Linda就表示求婚過程不浪漫,但她已經感動到喊了:「因為佢唔係浪漫嘅人,佢用誠意,中間有好多蝦碌嘅嘢,佢又好緊張,又跪地,跟住有人嚟,驚有人影到,起番身,好多蝦碌、好好笑,反而我覺得呢個求婚嘅片段係喜劇形式。」

chung wedding web

梁詠琪 Sergio

梁詠琪同老公Sergio這一對,拍拖半年,Sergio已密謀求婚,趁Gigi不在港期間,串通梁母讓他進屋,將傢俬雜物砌成「Merry Me」給她驚喜。Gigi說:「那晚我發高燒,很掃興,一返來就叫他送我入醫院,沒回答他。一個星期後,我安排了一間酒店房,預先在窗口用Post-it貼了一個 『Yes』字,入到房叫他求多次婚,他一說完,我就拉開窗簾,他即時抱住我喊。」

320819_10150402539626550_1884751714_n

洪天明 周家蔚

08年,洪天明和周家蔚到馬爾代夫旅行,慶祝周家蔚生日,同行還有洪天明家人及一班好友。行程的最後一晚,洪天明拿著蛋糕出來,周家蔚感到奇怪,明明之前已經慶祝了,但原來蛋糕上面有只戒指!此時,洪天明突然跪地求婚,周家蔚感動落淚,然後答應!當天洪天明爸爸洪金寶,繼母高麗虹、曾志偉、湯盈盈、梁靖琪等好友都齊齊見證這樁喜事。

2_236K_family

王祖藍 李亞男

王祖藍和李亞男相戀5年。在2014年台慶夜,兩人伙魔術師表演,但於尾段時突爆驚喜,祖藍手執一大束紅玫瑰,一臉嚴肅步出,然後對著李亞男說:「我們是很不同的人,我當時只是兒童節目主持,而你是選美冠軍,我很矮,你很高,我很複雜,你很單純。感謝主讓我們認諳了對方,在愛情路上我們經歷好多風浪,無論追你有多困難,娶到你,我一生都十分幸福!每一日都是恩典的一天。」隨即送上巨型鑽戒,這一番話讓李亞男感動落淚。現場一同見證著這幸福的一刻,並紛紛上前祝賀。

螢幕快照 2017-02-20 下午5.49.47

楊千嬅 丁子高

說到閃婚的代表,一定包括楊千嬅跟丁子高!現在他們一家三口幸福快樂,但當年丁子高其實兩度求婚不果。他趁兩人到美國旅行第三次浪漫求婚,借千嬅之前曾講「自己過了30歲就要為自己倒數」回應她「如果真的是這樣,是不是應好好珍惜,讓我陪你一齊走下去」。千嬅頓時十分感動,最後兩人決定開車去拉斯維加斯註冊結婚,還婚後才通知雙方父母呢!

楊千嬅 丁子高

郭偉亮 葉佩雯

郭偉亮(Eric Kwok)跟葉佩雯的求婚結婚故事亦是轟動一時,Eric Kwok 在自己樂隊Swing的最後一次演唱會,跟女友葉佩雯合唱後,在近萬位樂迷前單膝下跪,送上88支玫瑰霸氣求婚。當時葉佩雯已經哭成淚人,誰知Eric Kwok更一早安排律師在場簽紙註冊,以及邀請謝霆鋒、陳奕迅、黃偉文、何超儀等一眾兄弟好友見證,結束兩人11年的愛情長跑,成為圈中的模範夫妻。

9對藝人夫妻求婚過程大公開