8/10一日限定 萬八尺童樂場 西九草地自由約 @Parent婷

8/10一日限定 萬八尺童樂場 西九草地自由約 @Parent婷

Presented by西九文化區
終於等到十月喇﹗過晒全年最熱最濕的日子,可以同一對寶貝仔女走出室外,享受戶外活動。你知喇﹗香港秋高氣爽的日子太短暫,一定要好好盤算怎樣利用每個周末,絕對不能浪費。好似8/10,我早就在schedule記低要去西九「自由約」。唔經唔覺, 西九自由約 又返嚟喇﹗呢個喺西九文化區苗圃公園舉辦的活動,由9月開始至翌年3月,逢每月第二個周末舉行。上年我哋全家去過一次,阿囝阿囡開心都唔肯走,今年一於早啲去,玩餐飽。

小朋友難得可以在草地上自由伸展,再配合大量特別訂造的遊戲,西九自由約,絕對不能錯過。
小朋友難得可以在草地上自由伸展,再配合大量特別訂造的遊戲,西九自由約,絕對不能錯過。

真正屬於小朋友的遊樂場

小朋友可以喺大草地無拘無束跑跑跳跳已經夠開心,10月呢次 西九自由約 ,仲同ohmykids聯乘,以「童樂場」為主題,真正由小朋友角度去打造一個遊樂場。當中有不同的遊戲可以發揮佢哋既創意,想點玩就點玩。好似可以自由搬動既「自由跳飛機」,唔需要死跟遊戲規則,點擺點跳,全部自己話事。又好似「車呔木條陣」,通過大型障礙物,既可以練平行,考身手;點行點走,全看小朋友的心思心意。

能夠跳出框框的跳飛機,可以一邊創意,一邊嬉戲,玩得更投入。(相片攝於2016年「自由約」活動)
每個小朋友都是一個設計師:紙皮、粉筆、膠樽都可以做成玩具,玩餐懵。

由7歲仔設計的Marble Run! Run!

不過我最期待還是超巨型的「滾珠積木」遊戲。用兩百幾件積木及升級改造拾荒物料如膠樽、紙箱等組成,積木本身是由26個家庭,在專業木藝團體「伙木工房」帶領下,親子合作一同打磨拋光上油的,非常有意思。最厲害是,整個遊戲的總工程師原來只是一位7歲的小朋友Jay,他自細覺得「滾珠積木」很剌激,今次獲邀和ohmykids合作,他就親自繪製草圖,經過精心計算,為滾珠設計路線。在媽媽Kathy的幫助下,請專業工匠完成製作。我很想知道這個自由組合的「滾珠積木」有多大型,更期待木珠如何經過重重障礙成功到達終點。

早在9月中,主辦單位已經邀請了26個家庭幫手將200多件滾珠積木的木配件拋光打磨,看媽媽同孩子多合拍。
大部份小朋友都是第一次做木工,大家都覺得很有新鮮感,興緻勃勃,不論男女,都一樣投入盡興。
年僅7歲的Jay自小對「滾珠積木」很著迷,今次自動請纓擔任總設計師,由設計,到角度計算都一手包辦,並由媽媽Kathy幫忙將構思轉告「伙木工房」的導師,將之實現成真。

玩到出晒界

Messy Play在外國一直很流行,不怕邋遢,亂玩亂畫去為小朋友營造自由玩樂空間,從而啟發潛能及感官。今次自由約設有大片鋪上膠布的空地,任孩子隨意發揮,寫寫畫畫,唔怕出界。另外,大會仲設計了一個大型射擊台,有枝大丫叉,仿效Angry Bird的概念,射中目標就可以得分,小朋友一定like爆。

領正牌在地上亂畫,看小朋友們多高興。(相片攝於2016年「自由約」活動)
以大地做畫紙,愈污糟愈快樂。(相片攝於2016年「自由約」活動)

聽聽歌,吹吹風

咁精彩的節目,小朋友一定玩到唔捨得走。雖然有美食車駐場,但諗諗吓都係事先準備定生果、小食,玩到攰都可以補充體力。再唔係,現場有中、西音樂表演:本港地水南音師娘─唐小燕的《客途秋恨》、Freespace Mixtape Vol. 1 其中一位本地唱作人Jonathan Yang、旅居香港的法國人組成的Le Groupe Electrogène Fanfare Club以及獨立樂隊Life Was All Silence……坐在草地聽音樂,吹海風,一蚊都唔使洗,爽透了﹗

[ ohmykids x 西九自由約 ] 童樂場

日期丨10月8日(星期日)
時間丨下午2時至7時
地點丨西九文化區苗圃公園 – 大圓表演場地
詳情 | https://goo.gl/W8fak1
註:
1. 免費入場
2.現場特設「鬥木體驗」工作坊,歡迎即場參加。

更多精選內容