慶祝34歲生日 諸葛紫岐 孖3歲囝囝去名店血拼

慶祝34歲生日 諸葛紫岐 孖3歲囝囝去名店血拼

諸葛紫岐(Marie)同Neway二少、老公薛嘉麟育有3歲囝囝薛華韜(Arthur),雖然家底好厚,但Marie事業心強,早年開開娛樂公司做老闆娘,雖然早前有傳兩公婆因為各有各忙而感情生變,好彩今個生日雨過天晴,早排諸葛紫岐34歲生日,就有老公開開心心陪住切蛋糕,而牛一前仲孖住囝囝去名店血拼,實行生日買禮物氹吓自己!

撰文:Sunday Kiss

圖片來源:新傳媒圖片庫、諸葛紫岐微博

諸葛紫岐慶祝34歲生日

諸葛紫岐本身家底厚,老公仲係Neway二少薛嘉麟,不過Marie拒享福做少奶奶,做咗人妻同媽媽之後仲勤力過以前未嫁時,又開娛樂公司又湊仔,雖然曾傳兩公婆因各有各忙而感情生變,但幸好二人經得起考驗,感情更勝從前,早前Marie 34歲生日,開開心心同老公及一班閨蜜慶祝!

 

 

 

帶囝囝去銅鑼灣血拼

諸葛紫岐生日前兩日帶住囝囝Arthur一齊去銅鑼灣shopping氹自己。老公有米,自己又搵到,去到名店梗係唔使手軟,兜咗個圈已經有斬獲,大大袋戰利品重手到要名店職員幫拖搬上車。

 

諸葛紫岐帶住囝囝去銅鑼灣shopping,有寶貝仔陪,又買到好嘢送畀自己,Marie臉上充滿幸福嘅笑容。

 

 

當日又大手筆消費完,名店派出職員專人幫Marie拿戰利品再送埋上車,擺明係熟客啦!

 

3歲囝囝Arthur好精叻又乖巧,上到車媽媽一個手勢,就乖乖安靜下來。

調理身體等「中獎」

Marie兒子薛華韜讀幼稚園K1,Marie同丈夫有意為兒子添個伴,她早前出席公開活動時表示一直有開工造人,而且有服中藥及看醫生調理身體,保持健康,希望明年有「好消息」。

Marie和丈夫喜愛小朋友,平日不時見佢哋一家三口出巡,好幸福!

 

 

Marie百忙都會抽時間送兒子上學,增進母子感情!

更多精選內容