好老公也是好爸爸 任賢齊 陪妻買餸 親自湊仔女

好老公也是好爸爸 任賢齊 陪妻買餸 親自湊仔女

小齊任賢齊拍戲做過不同類型的角色,暖男入型入格,扮大賊亦都夠晒凶狠,真係做乜似乜!之不過其實他最拿手還是做回自己,一個好老公、好爸爸的角色。與太太Tina育有一對子女的小齊,雖然要經常四圍飛去工作,但多年來都分身有術,努力抽時間陪太太及一對小寶貝,日前不用工作的小齊未有在家休息,反而陪太太去超市買餸及日用品,全程幫手推購物車及拿戰利品。幸福的家庭,從來都要花心力去經營和維繫,小齊做到了!

撰文:Sunday Kiss

圖片來源:新傳媒圖片庫、任賢齊微博

任賢齊 好老公也是好爸爸

51歲任賢齊近年四圍飛去拍劇,除了忙拍戲、登台,仲不忘返國內做慈善活動,小齊今年生日就話「一直以嚟我都係飾演好男人、正派角色,10幾年前杜sir叫我喺《大事件》演大賊喎,當時我話我唔識演,但佢話:『嚟到現場就演到架啦!』結果去到片場有杜sir指導,我真係演到,大家都對我另眼相看。」

除了拍戲,歌手出身的小齊亦有大量的商演機會!

陪妻逛超市

的確,傻更更的暖男、兇惡大賊的角色都難佢唔到小齊,但講到最拿手,還是當一個好爸爸、好老公的角色,與太太育有9歲細仔Cody及11歲大女Rati,出名係住家好男人嘅小齊,唔使出埠又唔使開工,難得留在香港都未有在家休息,反而陪太太Tina行超市買餸。鏡頭背後嘅小齊,去到銅鑼灣超市大明星即刻變小跟班,推住架車仔默默地跟住老婆,老婆話買乜就買乜,之後第一時間摷銀包埋單,連戰利品都小齊主動拎晒呀!

搵錢緊要,老婆仔女更重要,所以唔使拍戲的小齊,一有空就同老婆拍拖去銅鑼灣行街買餸。
平時man爆、扮大賊又似模似樣,現實生活的小齊搖身一變老婆跟班,推住架車仔跟住老婆不知幾幫得手。
小齊同Tina仲係好恩愛,黐住企喺扶手電梯仲好多話題傾唔停。

湊9歲仔返學

兩公婆去買餸前,Tina先湊9歲細仔Cody返學,然後再會合老公。生咗一對仔女的任太都仲係戴住鼻環同成抽耳環,正式係潮媽。

陪子女買文具

小齊入行以來幾乎零緋聞,他和太太由拍拖、結婚到依家相處超過廿年,依然好恩愛,小齊不用工作的時間都會陪享受家庭樂,不時見到小齊一家四口出巡,他對一對子女亦疼愛有加,知道子女踏入九月快要開學,小齊和太太帶他們到平民文具店買文具開學,平日又會帶太太和子女去旅行,是真正的好爸爸、好老公!

小齊好nice咁打招呼,完全沒有架子!
9歲Cody好乖仔幫手拎外賣,面對鏡頭表現興奮,仲不停手舞足蹈,而12歲囡囡Rati就有點怕醜,拖實媽媽Tina手仔匿在後方行上車。

小齊:想多一點陪伴,但工作又到處奔波

今年大女Rati的12歲生日,小齊罕有貼囡囡嘅合照,並感觸說:「好像一眨眼她已經12歲了!想多一點陪伴,但工作又得到處奔波丨可能这就是人生吧!很不容易找到一個平衡點,但不管怎樣!盡力去做到最好吧!再次感謝你們! ​​​​」

小齊長女Rati笑容甜美又有酒窩,好可愛!

關鍵詞
任賢齊

更多精選內容