何基佑 HOPE-20 育兒大法

何基佑 HOPE-20 育兒大法

去年底離開TVB的何基佑(Kay),工作依然密集,除了繼續擔 任活動司儀之外,更忙於為 ViuTV 籌備及監製育兒節目《 超級奶爸 》,追蹤了多個家庭的育兒情況,吃飯吃得太久?打人?兩歲已經 上手機癮?Kay 為他們一一解難,節目將於11月推出。

Kay和太太鍾凱瑩(Charis)於2011年結婚,婚後初期Charis 受成長背景影響抗拒生小孩,得到丈夫開解並多看育兒書後,她慢慢放下恐懼,婚後四年終誕下兒子何清義(Nathaniel), 為 他 們 帶 來 圓 滿的家庭生活。自清義出生後,Kay 和 Charis 邊湊邊學,更培養出 對幼兒教育的興趣,Kay更索性上堂學習HOPE-20的家長育兒課 程,並成為導師,透過精簡指令、親子伴讀及設立冷靜區等多種方 法,希望教好兒子之餘,更可幫助其他家長一齊「 教好這個 B 」!

撰文: Ling
攝影: Killy Sung(部分相片由受訪者提供)
化妝: King [email protected] MAKEUP
髮型: [email protected] MAKEUP
場地: LUDUS Kindergarten (Tel: 2382 0061)

Kay和Charis邊湊邊學做好父母,Kay更參加了HOPE-20的家長培訓課程,取得導師資格,希望幫助更多父母學會管教幼兒的技巧,建立和諧家庭。即將推出的《超級奶爸》節目亦應用了HOPE-20的方法,為家長解決不同育兒問題。

太太在聾人家庭成長

Charis來自一個聾啞家庭,父母皆是後天聾啞人士,爸爸 因為三歲發高燒而失去聽覺,媽媽則與大舅父玩棉花棒弄損耳 膜 ,令聽覺受損,Charis三歲就被迫學習手語 。「點解人哋可以就咁講嘢,我就要學手語呢?細個都有唔開心。我媽媽係半健聽人士,佢教我手語都好困難,所以佢教完我就決定唔教細佬,令細佬同佢哋好難溝通,靠寫字咋。」家庭和睦建基於愛與 溝通,Charis的弟弟與父母溝通不來,令爭拗頻生,Charis 說:「佢哋有好多誤會,有時細佬個樣好 ,令爸爸以為細佬唔想同佢講嘢。」

Charis遇上Kay後,衝破了成長的陰影,一 同建立了美好家庭。
Charis為照顧好囝囝選擇做全職媽媽,並用全埋身餵母乳,餵足兩年,看見囝囝健康成長一切也值得。
生於聾人家庭的Charis,長大後明白了父母的境況,不再覺得是甚麼一回事,現在囝囝也十分愛錫公公婆婆,還學習了「我愛你」的手語呢!

入住兒童之家 吸毒沉淪

成為中間人的Charis,經常在父母和弟弟之間調停,更擔 起照顧弟弟的重任,令她感到十分艱辛。「我只係大細佬三年,好難教佢手語。見到佢哋好多爭拗,爸爸有時仲會打 佢,所以我都係少做少錯,唔做唔錯,冇咩事都唔出聲。」

父母後來被社署認為沒有能力照顧子女,送她入住兒童之 家長達九年,之後她變得反叛、沉淪、不斷拍散拖,更誤交損 友吸食冰毒,幾乎被判入女童院,全靠信仰帶她走出黑暗。

多年來,Charis一直介懷自己不是成長於一個健全家庭,連 父母自己亦介意別人的眼光,令一家人長期活在恐懼之中,直至Charis 18歲才明白父母的處境,亦懂得欣賞擔任酒店廚師的 爸爸如何努力。「外界嘅白眼唔重要,最重要係自己點睇自己, 好多人都會對手語好奇,我媽咪好介意人哋眼光,要我過去鬧 人好尷尬,所以細個我都唔想同人講屋企,佢哋介懷令我都介懷,依家我冇再介懷了,其實冇人會介意我嘅背景,只係自己 點睇自己。」

Charis與爸爸用膳時以手語溝通,身旁的清義十分好奇,不斷學媽媽郁手仔。

囝囝想學手語與長輩溝通

Charis 爸爸發高燒致耳聾,曾埋怨嫲嫲輕視而沒有帶他及時求醫,令Charis 也十分緊張囝囝的健康,初生時一次「發燒」足以令她抓狂。「佢出世三四個月 時,有次成身無端端好熱,即刻抱佢落去睇醫生,點知一落到診所就無燒,原來 係我包得佢太熱。」

一家人因為清義的出現,關係變得更親密,Charis 爸爸為得到孫仔歡心,每次見面都會買小禮物,Charis說:「阿仔好鍾意畀公公抱,一見公公就錫佢,雖然佢講唔到嘢,但會錫錫抱抱同買嘢去表達愛意。」Charis不怕囝囝被縱壞,因她和Kay平日會做好教導,「多啲人錫佢都好呀,買書買玩具OK,但唔好買嘢食。」

身為司儀的Kay重視囝囝的表達能力,小朋友能表達自己會減少發脾氣,父母可以多輔助小朋友表達自己。

清義每次看見媽媽與公公用手語溝通,都會感到好奇,並學他們雙手揈揈,正所謂小孩吸收語文像海綿,原來手語都吸收到!如果清義將來有興趣, Charis 都會考慮教導他。

正就讀PN班的清義哥,上學後愈來愈多說話,非常喜歡上學。

精簡指令 讓孩子有選擇

父母怕怕的Trouble 2階段,Kay指兩歲半的清義沒有出現問題,一切在他們 的預計之中,反而他開始聽得懂指令,父母更易教。「佢性格好急,一扭計就想 即刻要,所以我哋要比佢更加堅持,畀佢知道扭計係唔work。好似我叫佢執玩 具放番入白色箱,佢唔肯執,我就話爸爸幫你執都得,但就會收埋一段時間冇得 玩,佢都係唔執,咁唔緊要我哋有咗協議。到今日同樣事情再發生,我話爸爸執 就收埋冇得玩,佢即刻say no,兩分鐘就執晒30件玩具。」

Kay最近用至抵價購入一部實而不華的三輪車讓囝囝學習。

Kay強調,對孩子的指令要簡單清晰,並讓孩子有選擇,「係一個give and take,你畀個選擇佢,畀佢知道埋後果,等佢自己揀。例如食雪糕唔好周圍 跑,一跑就會跌,跌咗就冇㗎喇,我哋唔會再買。」

Kay家中設有冷靜區,父母太嬲都會入去「冷靜」,Kay建議將小朋友待在冷靜區使他「冷靜」,時間毋須太長,已可以達到目的。

自清義出世後,Kay致力研讀育兒經,並成為HOPE-20家長及幼兒教育課 程導師。HOPE-20 課程是一個慈善計劃,由香港理工大學和香港大學於2013 年 研發,專為育有2 至3 歲幼兒的家長設計,教導家長管教兒童的方法和技巧,以 及提升培育兒童學習的能力和自信心。「呢套方法係經過大學研究,經過香港以 至世界各地實證係work,我頭先所講嘅精簡指示係其中一個方法,家長慣性叫 小朋友『執番好玩具準備食飯』,其實小朋友唔明咩叫『執番好』,仲要洗手再去 飯枱,咁係一抽指令。精簡指示係逐個指令做,應該先叫小朋友將枱面啲玩具放番入白色箱,做完之後先叫佢洗手,再叫佢去飯枱準備食飯。

懂得三文四語的Kay對囝囝只講廣東話,再滲少少英文,因為學好母語後,再學其他語言會更易明白

親子伴讀 從封面入手

Bedtime story是很多家庭的重點親子活動,但家長都不知從 何入手,HOPE-20 亦有教導家長如何「親子伴讀」,Kay 解釋:「先 由封面睇起,因為封面已經好多嘢睇,由書名、顏色、形狀大小、有咩內容,淨係封面已經可以玩五分鐘,一路睇落去可以問 啲啟發性問題,呢隻係乜嘢?佢做緊乜嘢?按小朋友嘅成熟程度 去問問題,從中建立佢嘅認知。」

兩人考慮明年生多個小孩,Charis希望追到個女,Kay則覺得有兩個仔都好正,「兩倍咁癲呀!」

包括西班牙文在內,懂得三文四語的Kay,教仔只著重廣東話一種語言,親子伴讀亦以中文書為主,Kay 希望囝囝先打好中文根基,才慢慢發展其他語言。「日常對答都係中文,只會滲少少 英文,只要學好母語,就會容易明白其他語言。」

讓小朋友愛上閱讀原來好簡單!只需把圖書放在書櫃的當眼位置排列整齊,讓孩子自由揀書,清義哥亦因此愛上閱讀,更常常要求父母一起親子伴讀呢!

BLW好處多成效高

樂於學習不同育兒法的Kay和Charis,現在也實行一種歐 美推崇的BLW進食法(Baby-led weaning),意思是不把食物磨 至稀爛,由嬰兒主導,用手去拿食物,感受食物的質感。Kay 和Charis讚揚BLW好處多,由於食物有不同形狀和質感,孩子 可從進食中學習各種食物的特質,而且由孩子主張進食,更懂 得去享受食物,將來就容易學會自己吃飯。Charis說:「佢依家 可以自己食嘢,唔使人餵,佢六個月大已經會自己攞食物,一 路玩一路食。小朋友透過自己摸食物,對腦部發展都好啲。」

清義最喜歡食香蕉、葡萄等生果,起初清義亦需要父母幫 忙,協助他將食物放進口裡。經過三,兩次的練習後,他便學 會自己吃。Kay 笑言,他們每天都可以一家三口一起吃飯,毋 須一個餵飯,一個自己食,清義非常享受一起用膳,並願意等 待至他們吃完才離開high chair,實在是一個非常好的進食教 育方法!

Kay將於11月在ViuTV推出育兒節目《超級奶爸》,其中一集邀請了肥仔聰和囝囝分享育兒的苦與樂。

HOPE-20 部分育兒法

1.精簡指令

需清晰逐一講出指令,例如叫孩子執玩具,要指 出將地下的玩具放回某顏色的收納箱;辦妥後才叫孩 子做另一件事,例如去廁所洗手、去飯桌開飯。不要 一次過說出所有指令,孩子難以消化。

2.親子伴讀

從封面的書名、顏色、 圖案及類型等說起,邊讀邊問 孩子啟發性問題,如這隻公仔是甚麼?他正在做甚麼?

3.設立冷靜區

是所有家庭成員共用,父母憤怒時都會進入冷 靜區。冷靜的時間毋須太長,一兩分鐘足以令孩子得到教訓。

下一頁:思考型爸爸森美 從旁觀角度看子女

更多精選內容