謝安琪B女賞月初體驗 楚楚可憐怕人群!

謝安琪B女賞月初體驗 楚楚可憐怕人群!

謝安琪自半年前誕下囡囡張靖(Karina),一直以照顧家庭為先,與老公張繼聰經常於社交媒體張貼親子照,大曬溫馨。 日前阿Kay就喺Facebook同粉絲分享b女第一個中秋嘅趣事,原來kakaball喺中秋晚會上無乜癮,仲擺出一臉無辜嘅樣,連Kay媽都無佢乎!

撰文:Sunday Kiss

圖片:謝安琪 Kay Tse Facebook

Karina首個中秋晚會 遠望人群都驚驚!

謝安琪早前携半歲B女參加屋苑舉辦的中秋迎月晚會,作為人氣星B,自然多粉絲要求合照。不習慣面對人群的Karina一開始十分冷靜,但隨著越多人接近,kakaball就越驚,最後更忍唔住喊!Kay媽為安撫囡囡,立即帶她及大仔張瞻遠離人群,點知Karina仍然楚楚可憐,好似好無癮!

謝安琪B女賞月初體驗1

 

謝安琪B女賞月初體驗2

阿Kay不忍心愛女擔驚受怕,於是與她先行回家,結果Karina的賞月初體驗歷時只有短短十分鐘。一眾網民對阿Kay非常關心,紛紛留言叫她不用擔心B女的社交能力,更希望明年看見他們一家再慶中秋。有網民的祝福,相信kakaball好快就唔會再怕陌生人!

謝安琪B女賞月初體驗3

謝安琪B女賞月初體驗4

張瞻張靖 兄妹性格大不同

張繼聰與謝安琪另外育有10歲大的張瞻,雖然兩兄妹似足餅印,但阿Kay透露,二人性格原來截然不同!原來哥哥張瞻於半歲時已經係社交能手,似足爸爸。對於Karina中秋晚會一事,Kay表示「妹妹女孩子確實比較有矜持,遲啲可以向哥哥拜師學習社交技巧喇!」

謝安琪B女賞月初體驗5

其實張瞻除咗係社交高手,仲係個暖男哥哥,連阿聰都不禁大讚他「好柔情,當妹妹喊時,佢會好溫柔咁叫妹妹唔好喊,哥哥喺度。」在離開屋企出席比賽時,James更向媽咪要求同妹妹玩視像通話,哥哥一見kakaball就牽腸掛肚,扁嘴想喊!咁細個就有哥哥錫,Kakaball真幸福!

張瞻雖然人仔細細,但抱BB都有一手!Karina有暖男哥哥呵護,難怪笑得咁開心。

誕女半年張繼聰:「我嘅餘生都係照顧佢哋!」

哥哥懂得照顧妹妹,全賴父母教導有方。出名係顧家爸爸嘅阿聰曾經公開表示「為了家人幾辛苦都值得,我嘅餘生都係照顧佢哋!」言出必行的他為照顧老婆,不惜於她懷孕時減產,在B女出世後,他亦經常留在家中湊女。

自稱有分享症的張繼聰不時張貼與子女的溫馨照片,相中見他落手落腳照顧Karina,又喂奶、又彈結他氹囡囡瞓覺,真係廿四考爸爸!

謝安琪全職湊女 未計劃復出

KakaBall才半歲大,身為媽媽的Kay當然還未捨得復出工作。早前她透露:「希望可以餵足一年人奶!真係擺低工作,以家庭為先,囡囡都係得幾個月,雖然囝囝10歲,但都係要傾偈嘅階段,只要睇住小朋友開心就乜都值得!」一眾歌迷亦非常愛錫Kay媽,期待有朝一日看見偶像以最佳狀態復出唱歌。

Kay用心照顧一對子女的起居飲食,提倡健康生活的她除了堅持餵母乳,亦喜歡給子女吃有機食品。希望Karina喺媽媽細心照料下快高長大,等Kay可以盡快復出,為一眾粉絲唱更多好歌!

更多精選內容