謝安琪中秋晒全家福 張繼聰 扮女人照片成亮點

謝安琪中秋晒全家福 張繼聰 扮女人照片成亮點

擁有幸福家庭的張繼聰與謝安琪,中秋節社交網站分享全家福放閃,Kay抱住囡囡張靖(Karina),囝囝張瞻就拿着燈籠,Kay仲話:「簡簡單單一家人食飯已經好開心!」講得好啱!一家四口合照夠溫馨,而佢哋身後嘅巨型相架放滿家庭照,其中一張仲係張繼聰扮女人的相,成為另一焦點!

撰文:Sunday Kiss

圖片來源:謝安琪Facebook、張繼聰及謝安琪微博

謝安琪 中秋晒全家福

謝安琪自半年前誕下囡囡張靖,一直以照顧家庭為先,與老公張繼聰經常於社交媒體張貼親子照,大曬溫馨。 日前中秋節,Kay在其社交平台貼全家福及留言話:「哥哥妹妹知道爸爸早收工返屋企,簡簡單單一家人食飯已經好開心!」她取笑囝囝張瞻很chok,又投訴張繼聰與子女不露齒未有通知她,只得她一個笑到露齒。

 

張繼聰 扮女人

睇埋佢哋身後嘅巨型相架,除了一家四口及親友的生活照,細心睇,其中一張仲係張繼聰扮女人嘅相,其實呢張相係佢2013年拍劇嘅造型照,張繼聰當時都有在微博貼呢兩張反串女人造型照,阿Kay當時亦有回應話:「正所謂近朱者赤,這位小姐相當清秀。」難怪Kay要放喺屋企相架啦!

唔少網友欣賞佢哋一家四口嘅合照之餘,仲留意到張繼聰扮女人張相!

 

 

Karina出席中秋晚會 遠望人群驚驚

謝安琪早前携半歲B女參加屋苑舉辦的中秋迎月晚會,作為人氣星B,自然多粉絲要求合照。不習慣面對人群的Karina一開始十分冷靜,但隨著越多人接近,Karina就越驚,最後更忍唔住喊!Kay媽為安撫囡囡,立即帶她及大仔張瞻遠離人群,點知Karina仍然楚楚可憐,好似好無癮!

張繼聰 子女分享症

自稱有分享症的張繼聰不時張貼與子女的溫馨照片,相中見他落手落腳照顧Karina,又喂奶、又彈結他氹囡囡瞓覺,真係廿四孝爸爸!

更多精選內容