甘比

親自湊囝囝放學 大肚甘比 照食雪糕 挑戰紅姑

熱話

廣告

華人置業前主席劉鑾雄老婆陳凱韻(甘比),繼早年為大劉誕下一對仔女後,現已懷胎近四個月,可喜可賀!不過大肚嘅甘比仍親力親為湊仔返放學,自言日日都食雪糕嘅佢,仲買咗杯軟雪糕同囝囝分享!而甘比早前搵埋紅姑玩Ice-cream challenge為導盲犬協會籌款,二人互餵雪糕,為慈善出心出力!

撰文:Sunday Kiss

圖片來源:新傳媒圖片庫

未知陀仔定陀女

早前甘比去接囝囝劉仲學放學,就算有保鑣護送都堅持親自幫囝囝孭書包,難怪大劉大讚老婆:「多過100分。」甘比拖住囝囝劉仲學由學校步出,仲學邊行邊耷低頭避鏡頭,非常醒目!著上白色連身裙、腳踏平底鞋嘅甘比,被問到今胎陀仔定陀女時微笑回應:「未知。」

保鑣落車買雪糕

湊完仔返家途中見有雪糕車,甘比着保鑣落車買咗杯軟雪糕同囝囝分享,甘比的確好鍾意食雪糕!

 

蒙住互餵雪糕

最近佢就為慈善參與一個Ice-cream challenge,仲搵埋紅姑鍾楚紅一齊挑戰蒙住雙眼食雪糕!對於自稱日日都食雪糕嘅甘比而言,呢個雪糕挑戰完全難佢唔到囉!紅姑認真表示:「我依家先知道,香港有18萬視障人士,但導盲犬就唔多過30隻。」

 

甘比 提名好友接受挑戰

甘比更提名鍾意食雪糕嘅好友林建岳、袁詠儀及賭王千金何超蓮接受挑戰,林建岳翌日即搵埋老友港鐵主席馬時亨,齊齊拍片找數。