廿四孝父母 楊千嬅 丁子高 陪囝囝參加生日P

廿四孝父母 楊千嬅 丁子高 陪囝囝參加生日P

一直恨開聖誕跨年演唱會的楊千嬅,成功取得原先屬劉德華的跨年黃金檔期,早前千嬅盛裝出席記招後,就開始閉關綵排,為個唱狂操肌及練歌。不過工作再忙,千嬅都抽時間陪伴5歲兒子Torres,日前佢同老公丁子高陪囝囝去金鐘快餐店出席友人生日P,玩足兩個小時才離開,果然係廿四孝父母。

撰文:Sunday Kiss

圖片來源:新傳媒圖片庫、楊千嬅IG

楊千嬅 丁子高 陪囝囝參加生日P

由於12月會舉行跨年演唱會,千嬅個多月前已經開始做Gym 做運動keep fit,亦有跟老師學唱歌,而記招之後千嬅會閉關綵排。不過日前千嬅抽時間陪囝囝Torres去參加友人嘅小朋友生日派對,當日老公丁子高坐友人車早一步到達,而楊千嬅就同Torres乘坐七人車到現場,一落車,千嬅就抱住Torres行去快餐店,話晒Torres已經5歲,體重有番咁上下,千嬅仍然唔怕辛苦抱住佢行!期間丁子高陪Torres和其他小朋友玩遊戲, Torres更加叻叻贏得氣球公仔。因為有老公幫手睇住個仔,千嬅終於可以坐埋一邊食薯條休息一下!

楊千嬅抱著五歲的Torres行去快餐店參加友人的生日P,唔知係咪瞓唔夠,千嬅個樣有啲攰!
千嬅為keep fit食得清淡,但呢日都破戒食薯條!
楊千嬅同老公陪囝囝Torres參加友人小朋友的生日P,兩公婆在場內與其他家長密密傾。

千嬅 拖實囝囝

玩了大概兩小時,丁子高一馬當先行先,跟在後邊的千嬅就拖實Torres一齊離開,剛巧遇著落雨,搞到千嬅狼狽,工作人員見狀即刻擔遮護送佢兩母子上七人車離開!


生日會結束,楊千嬅拖住Torres離開,點知遇著落毛毛雨,母子加快步伐上車!

千嬅 做運動修身

老公丁子高是跑步健將,楊千嬅婚後受老公感染經常拍拖練跑,而為備戰演唱會,千嬅更加不感怠慢,又跑步又做Gym,好勤力!

千嬅好重視每一次演唱會,今次個唱也絕不疏懶,又跑步又做Gym,希望以最佳狀態示人。

媽媽囝囝 陪開工

雖然歌影一樣忙,嚟緊十一月會開拉闊音樂會及十二月開個人演唱會,但千嬅一有時間就會留在家中湊仔,早前就同Torres一齊整嘢食!而演唱會記者會當日,千嬅媽媽和仔仔Torres都陪她開工,而楊媽媽有上台撐愛女,更一起玩直播,感情好好。

工作點忙,千嬅都很注重家庭樂,之前就同囝囝在家整曲奇!

更多精選內容