傅楚惠囡囡 從「公主」變小太空人

傅楚惠囡囡 從「公主」變小太空人

家長樂見小朋友聰明伶俐,但更怕他們聰明反被聰明誤,幾歲人仔「 懶醒 」說話像個大人,失去童真。久未露面的前TVB藝人傅楚惠(Olivia,前名傅楚卉)育有一名10歲女兒孫蔓而(Chloe),是一個聰明伶俐而又不失童真的小朋友。Chloe 的思想成熟,把父母灌輸她的良好品格消化得好好,問到 Olivia 的教女心得,Chloe 即代媽咪一一道出,是筆者首次遇到小朋友發表多過大人的親子訪問。

●撰文:Ling

●攝影:SimpsonChiu (部分相片由受訪者提供)
●化妝:[email protected]嫁妝Ms.Workshop
●髮型:[email protected]&nail
●服裝:JuicyCouture
●場地:Kids’GalleryKowloon (Tel:23371001)

Chloe 的性格近年轉變很大,小時候患有「公主病」,因工人姐姐太照顧,令 Chloe 沒有自理能力,當 Olivia 意識到問題後,決定全天候照顧,令女兒的性格慢慢糾正過來,變得積極有自信,表達能力高。今年 Chloe 更獲選為八名小太空人之一,與森美女兒梁曦童雙雙入選。究竟 Olivia 有甚麼方法,把女兒由「公主」變成「 小太空人 」呢?

Chloe愛上太空之後,曾向母親承諾會帶她去NASA,今年終於獲選為八名小太空人之一,願望成真!

無自理能力 自覺是世界中心

很多新手媽媽會請工人姐姐照顧小孩,Olivia也不例外,工人姐姐對Chloe無微不至,令她愈來愈依賴工人姐姐,Olivia 坦承有疏忽,直到女兒兩歲時,才發覺她出街完全沒有自理能力,由出門一刻開始就等人服侍。「佢喺門口前會遞起隻腳,等人幫佢著鞋著襪;食飯又唔識,刷牙洗面都有人幫;佢又好受保護,污糟啲嘅地方都唔會去。」

Olivia在長壽處境喜劇《皆大歡喜》中飾演趙學而的侍婢「春梅」。
Chloe指父母除了對她的品行管教比較嚴厲之外,其他方面都很寬鬆,尤其爸爸常強調做人要開心,不開心好易出皺紋,「爹哋媽咪成日叫去玩,我就快默書你哋都叫我玩?」

Olivia意識到女兒的「公主病」情況嚴重,覺得自己是全世界的中心,不懂關愛別人,連溝通都有問題。「好似全世界得佢一 個咁,唔識同人溝通,表達能力都有問題,完全唔知佢講乜,我成日要幫佢重組句子。」Olivia 決定以身教去感化女兒,多與女兒溝通,並安排參加小DJ班訓練表達能力。「我同佢講嘢要幫佢抽絲剝繭,抽番邊啲係重點,訓練佢說話要集中講出重點。後來參加小DJ訓練佢同其他小朋友講多啲,從無形之間改善自己。」

小時候Chloe有公主病,Olivia決定全職湊女,以身教把女兒改正過來。

教自理教做家務 尋找樂趣

說到底,要教好小朋友,身教才是最重要。Olivia 幾乎全職照顧女兒,先鼓勵她學習刷牙、洗面、著鞋等自理能力,並看準小朋友的好奇心,給予女兒空間發 掘每種學習的樂趣。「刷牙洗面有得玩水,佢覺得好得意想摸多啲;著鞋佢又可以 亂黐魔術貼。湊小朋友一定要畀佢哋有樂趣,如果你鬧佢刷牙玩到成地水,又話 佢黐錯晒魔術貼,佢哋覺得有壓力就乜都唔敢做。所以我見佢鍾意玩水,我再畀 空間佢玩,我仲set 咗個位擺晒杯、毛巾、海綿任佢玩,只要安全合適就可以畀佢 自由探索,我好少制止佢。」

Olivia為訓練女兒刷牙洗面,添加了不少樂趣,例如設立一個玩水區,讓她喜歡接觸水,從而喜歡用水刷牙洗面。
Chloe參加了小DJ班後,大大改善了表達能力,更曾在新城電台開咪呢!

學習自理後,Olivia 第二步讓女兒學做家務,由簡單摺毛巾開始,第三步就開 始親子下廚。「先摺方巾,再學摺衫摺褲,我晾衫就叫佢幫手夾,煮飯又畀佢摸吓 啲米,呢啲都係好好嘅親子互動,阿女學得好快好開心,因為有我陪住佢做。其 實小朋友好好學,視乎家長點樣畀佢哋接觸新事物,唔好怕佢錯,唔好怕佢整污 糟地方。」

Chloe近年開始有眼敏感,不能接觸水,一有風吹對眼會不舒服和痕癢,要定時滴眼藥水,情況現已有改善。

由德望轉校聖瑪利

Olivia的教女方式逐漸取得成效,Chloe不再是小公主,做事變得積極主動,充滿自學精神,母女關係更加親 密,Olivia放下工作去換取女兒健康成長,一切都值得。脫 胎換骨的Chloe升小已考入名校德望學校,小二時,她再 考入嘉諾撒聖瑪利學校(St. Mary),Olivia坦言選擇轉校全 因老公非常心儀,所以決定一試,結果收到好消息,他 們希望女兒在傳統學校能打好基礎,學好品德,Olivia 說:「尤其係學習態度、做人態度,St. Mary都教得好好,而且呢間學校真係唔催谷。」

Chloe經常閱讀有關太空的書尋幽探秘,常與媽媽一齊討論,Olivia笑言自己的太空知識也增值不少!
Chloe小時候因為呷醋反對媽咪生弟妹,現在回想才覺得有弟妹也不錯,但她也認為媽咪不應再生,不是怕媽咪年紀大,而是覺得自己11歲才有弟妹,與弟妹會有代溝。

最愛英文科睇明珠台

在學習態度上,Olivia教囡囡要視課本為故事書,輕鬆閱讀便可,所以Chloe沒有把課本死記硬背。「媽咪叫我唔應該只係識讀,要真係了解每一隻字係咩意思,將文字變成畫面就好易入腦,應用番喺生活上。」 在眾多科目之中,小五生Chloe最喜歡英文科,成績亦最好,其次地理科,上堂會特別專心。「我自小就 好鍾意英文,睇書睇電視都係英文,爹哋媽咪轉去翡翠台 我都會叫佢哋轉番明珠台,因為明珠台成日播我鍾意嘅科學節目。」

Chloe 覺得入讀後的最大得著,除了得到師生上下的關愛之外,自己的人際關係和溝通亦大有進步。「學校有 好多分組討論活動,我學識同人分享我嘅睇法,唔再咁怕 醜,我仲識咗好多朋友,樂於同人接觸。」

Chloe自小鍾意講故事,得到老師的推薦下,參加過中英文朗誦,並取得好成績。

Chole 小語錄 – 學習篇

對家長說:

「唔好迫小朋友,唔好發脾氣,當小朋友已經好攰,好似數學點計都 計唔到,你哋唔好迫佢,畀小朋友放 鬆5分鐘,飲啖水食少少嘢先,再慢 慢解釋番,因為溫書太耐會令個腦硬 咗諗唔到嘢。」

對小朋友說:

「讀書唔好死記,溫書亦唔好畀 太大壓力自己,如果諗唔到唔好發脾 氣,要抖一陣再諗解難方法,或者問 吓人、查字典;如果常識科就考 common sense,唔使諗得太複雜,以容易嘅方向去諗;數學就最令我發 忟憎,問咗人知道答案後,都要拆解 番個計法。」

學中文貼士:

「多用生活圖像化例子解釋中文,好似 個『 餐 』字 , 由『 上 』、『 夕 』、『 又 』、『 食 』組 成,諗吓喺夕陽時上又一城食嘢,就好容易 記喇。」

學英文貼士:

「如果小朋友唔識串字或唔 明個意思,家長唔好講出答 案,畀佢從字面同句子意思中 估吓,例如『This road is dangerous, don’t cross it.』你 唔識dangerous,就諗吓條 路會發生咩事先唔過得 呢?可能因為好多車好危 險,之後再查吓字典睇吓啱唔啱,就會印象深刻喇。」

夢想做太空人 照顧父母

自小怕黑的Chloe,有一晚睡不著,凝望窗外的星星覺得好吸 引,隨即尋找相關書籍閱讀,自此迷上了太空奧秘,更希望有朝一 日成為小太空人,帶媽咪一同去美國太空總署(NASA)參觀,Chloe 真的講得出做得到,今年獲選成為八名小太空人之一,與森 美女兒梁曦童雙雙入選,實現願望!

Chloe帶媽媽一同往美國參加「太空探索之旅」,參觀了穿梭機「阿特蘭蒂斯號」(Atlantis)展覽。

喜歡畫漫畫和作曲的Chloe,特意創作了一首有關探究太空的 歌曲,表達自己對宇宙的看法和好奇心,成功吸引評審。Chloe自 小喜歡唱歌,並參加合唱團,她笑稱自己經常哼歌,哼得多就哼出 新旋律。「哼哼吓我覺得好好聽,不如將呢個旋律變成一首歌,去表達我對太空同想做小太空人嘅心聲。」有冇作其他歌呀?「有呀,不過唔make sense,哈哈!」

Chloe登上模擬穿梭機體驗。

10歲的Chloe完成了「小太空人」的小夢想之後,仍有一個大夢想,深信自己終有一日會達到,「我想搵 錢帶爹哋媽咪去美國生活,之後我去NASA考做太空人!」好多人聽完會一笑置之,認為 Chloe都是隨口說說,小朋友的夢想經常會變,但Chloe的眼神十分堅定,揚言會朝著這個目標進發。「我同朋友講我想做太空人,但佢哋笑我,其實我好難受,因為畀人笑我一個夢想,我都諗過我 應唔應該放棄呢?但我唔應該驚,唔應該因為人哋笑我就放棄,唔通人哋笑幾聲我就放棄咁大嘅主意?我應該要堅持落去!」

Chloe鍾意跳中國舞,因為鍾意擺甫士,「我學之前同媽咪傾過學咩舞,芭蕾舞會跳到隻腳好痛,踢踏舞嘅衫太黑,拉丁舞要著高跟鞋又唔襯我,而中國舞有扇有絲巾比較啱我,依家學咗一段時間覺得好好玩。」

Olivia 聞言也感到驚訝,是首次聽到女兒說出這個夢想,原來自己將來或要搬去美國!Chloe笑言帶同父母一起赴美生活,是希望自己考入NASA後仍能照顧父母,十分有孝心,「我驚佢哋將來無人照顧,我又冇細佬妹,細個我呷醋唔想媽咪生,依家再生我又怕同細佬妹年紀差太遠,所以就算喇,我會擔起照顧父母嘅責任。」

Chole 小語錄 – 教養編

父母不能偏心

「唔可以淨係錫個細唔 錫個大,兄弟姊妹鬧交時,唔可以話細佬妹唔識,而去鬧 哥哥姐姐,可能係哥哥姐姐唔小 心整到細佬妹,細佬妹去還擊,一定 要了解番邊個啱邊個唔啱。」

父母要有耐性

「男仔細個比較唔識控制自己,如果個仔 好頑皮,父母要畀多啲耐性,好似佢食嘢食到 一地都係,你一定好忟憎,但你要學識calm down,再教番佢點做,無論點都唔可以發脾 氣,搞到佢喊唔鍾意你。」

讓小朋友放鬆

「小朋友係要玩,我爹哋成日話做人 要開心,1唔開心好易出皺紋,我就快 默書父母都叫我去玩。我都係一個小 朋友,唔想見到其他小朋友咁大壓 力同唔開心,希望其他父母都能 夠畀小朋友玩多啲,放鬆啲。」

更多精選內容