簽紙結婚了!吳若希:請叫我何師奶!

簽紙結婚了!吳若希:請叫我何師奶!

恭喜晒!吳若希(Jinny)正式成為人妻喇!今年Jinny為澳門闊少男友何兆鴻(Alex Ho)誕下女兒Giselle後,多次透露年底會簽紙結婚,但一直未有婚期!終於今日佢哋宣布喜訊,簽紙儀式一切從簡,舉行嘅地點在星夢唱片公司嘅辦公室,在律師、唱片公司老闆何哲圖(Herman)及雙方好友見證下正式成為合法夫婦,Jinny仲話希望大家可以祝福佢哋,仲請大家改口叫佢「何師奶」。

撰文:Sunday Kiss

圖片來源:新傳媒圖片庫、吳若希IG、big big channel

吳若希 雙十結婚

今日10月10日係吳若希(Jinny)嘅大喜日子,皆因佢同男友Alex正式簽字結婚!Jinny在其社交平台晒相報喜,仲留言話:「10月10日,好日,簽個字,請叫我何師奶~今日我倆一切從簡在唱片公司,在律師同老闆Herman及一些好友見証(證)下,與Alex正式結婚~希望大家可以祝福我倆,像結婚誓詞一樣愛護及包容大家,令這段婚姻得到真正的美滿~💕💕」好sweet!

Jinny在其社交平台報喜,話正式成為何師奶,仲叫大家祝福佢哋!
Jinny在雙十節簽紙結婚,一切從簡,仲透露囡囡都有出席!

誓詞唔詳盡? Jinny:婚後啲財產,錢邊個管?!

簽完字之後,吳若希仲同老闆何哲圖喺big big channel做直播,又接受TVB娛樂新聞台訪問,Jinny說:「比我想像中無咁感動,因為大家都話會感動到讀唔到誓詞,但係我哋完全覺得自己浸淫喺歡樂當中,其實係幾搞笑同幾開心嘅。我哋無乜蝦碌嘢,因為簽字都只係個簡單過程,最蝦碌就係份誓詞寫得唔夠詳盡囉,例如婚後啲財產,錢邊個管呀,但係成個過程係開心嘅。點解要喺唱片公司度搞呢,除咗可以請埋我老闆(何哲圖)見證之外呢,呢個地方係我簽重要合約嘅地方,咁今次呢個都係我人生一個幾重要嘅合約,所以揀呢度。」

閃分閃復合

其實Jinny去年7月高調宣布跟澳門闊少何兆鴻 (Alex )拍拖,2個半月後在社交平台宣佈「分訊」,但其後又極速復合,隨後更公佈快將成為媽媽,相當戲劇性。

大搞百日宴

24歲吳若希去年11月宣布陀有B女後,正式升格做媽咪喇!今年4月,Jinny經過十多個小時的陣痛,順產生B女,取英文名為Giselle(乳名淼淼),坐月期間佢都專心湊女,之後偶爾回港工作。而喺淼淼出世100日,兩公婆大搞百日宴,邀請親友為B女慶祝。

瘦過未生

Jinny產後勤力做運動及打拳修身,仲瘦過未生之前!早前佢正式復工,近日再入錄音室錄歌,相信大家好快聽到Jinny嘅新作喇!

更多精選內容