劉德華

56歲牛一!劉德華 甜晒囡囡手寫生日卡

熱話

廣告

對家事一向保持低調的天王劉德華,自從囡囡劉向蕙(Hanna)出世後而有所改變,好似之前出席歌迷舉生日會時亦大方公開囡囡近照,又讚囡囡好乖會主動為佢抹腳,似乎Hanna的出現足以令華仔融化!而早前華仔56歲生日,更於官方網站留言同自己講生日快樂之餘,又貼出Hanna為佢親手寫的生日卡,冧到爆!

撰文:Sunday Kiss

圖片來源:新傳媒圖片庫、劉德華官網

劉德華 甜晒囡囡手寫生日卡

一向愛錫粉絲的華仔喺官方網站同自己講生日快樂之餘,又向粉絲高呼「謝謝您的愛」!華仔冧晒囡囡送上嘅手寫生日卡,真係甜在心頭,不過最搞笑係Hanna唔係稱呼華仔做「Daddy」,而係直接寫上英文名「Andy」,再加多句「I Love You」登時冧爆!

 

 

華仔同甄子丹主演的電影《追龍》舉行首映禮,子丹聯同一眾台前幕後,同華仔切蛋糕慶生,老友湯鎮業、黃日華、鄭則仕齊送擁抱,華仔亦開心到歎住壽包大派飛吻。

 

 

 

今年1月,華仔於泰國為代言的飲品品牌拍攝廣告,當拍攝一組策騎的鏡頭,期間華仔所騎的馬突然失控,將其從馬背摔下來,傷勢嚴重。其後華仔於官方網站向家人、朋友和歌迷報平安,表示自己盆骨有撕裂傷,正接受醫療團隊妥善的照顧。後來華仔乘搭的醫療專機返港,幸而經過半年的治療及家人悉心照料,現已康復及復工啦!