拒假手於工人 林嘉欣 貼地湊女 禁兩女做公主

拒假手於工人 林嘉欣 貼地湊女 禁兩女做公主

唔少藝人催谷仔女讀名校爭做資優生,視仔女如珠如寶,粗重工夫自然唔使做,平時穿衣食飯沖涼都有工人姐姐侍候。相比林嘉欣的貼地教女,反而變成另類,為慎防囡囡有公主病,自少訓練二人獨立兼有自理能力。日前林嘉欣湊住兩個女兒到淺水灣開餐,雖然有工人姐姐在身邊,6歲大女Kayla自己孭住自己的大袋用品,跌咗嘢亦會自己執,絕不假手於工人,飯後,林嘉欣拖住兩個囡囡去搭小巴返屋企,生活樸素,拒做怪獸家長。

撰文:Sunday Kiss

圖片來源:新傳媒圖片庫、林嘉欣IG

林嘉欣 貼地湊女 禁兩女做公主

39歲的林嘉欣先後誕下兩名女兒Kayla和Sofie,眨吓眼女兒分別6歲和4歲,一度停工全職湊女的嘉欣,兩年前復工都只係選擇性工作,將大部分時間留給女兒及家庭,為免兩女會被縱壞而有公主病,嘉欣由囡囡讀幼稚園開始,已經有別一般星二代讀爭崩頭的學校,反而選讀平民學校。

細女入讀靈糧堂平民幼稚園,嘉欣每天都會自己接女兒放學,這天老公就陪嘉欣一同湊囡囡!

 

眨吓眼細女亦已經4歲,相比大女Kayla的活躍,細女就比較文靜。

訓練自理能力

貼地媽媽嘉欣更加教導女兒要有正確價值觀,絕不追求物質享受,兩個女兒出入亦大多乘座公共交通工具,雖然嘉欣自己都有車,除咗返學,平時出街好多時都選擇坐公共交通工具,更加唔畀倚賴工人姐姐,自細特訓女兒由梳洗、著衫以至執書包都係自己做!嘉欣會花心機去自製玩具,又會教個女透過畫畫抒發情緒,周不時帶佢哋逛美術館,培養對藝術有濃烈興趣。

嘉欣將屋企變成藝術坊,會陪女兒畫畫及整勞作及陶瓷!

 

日前林嘉欣就陪兩個囡囡去淺水灣游水,游完水在更衣室沖完身後,只見6歲的Kayla,自己孭住大袋沙灘用品及玩具,跟在媽咪身後,同埋妹妹及工人姐姐一齊行去附近商場食肆開餐,食飽飽,嘉欣亦唔係揚一揚手就坐的士走人,反而同兩個囡囡企街等小巴等足15分鐘,囡囡經媽咪嘉欣由細特訓,一定唔會有公主病﹗

林嘉欣珍惜陪女兒成長的時間,近年只係選擇性工作,將大部份時間留給兩個女兒,日前嘉欣就同囡囡去淺水灣游水,之後再到商場餐廳吃晚飯。

 

自己物品自己拿

自從大女兒出世後,林嘉欣一度停工五年湊女,直至前年才限度復工。嘉欣教女有方,注重女兒的品格培育,6歲的Kayla孭住大大袋嘢亦唔會扭計,而攞住兩本書的Kayla,唔小心跌咗嘢落地,嘉欣亦要囡囡自己執番!

 

 

林嘉欣絕無影后架子,唔鍾意請司機車出車入,寧願湊住兩個囡囡企在路邊等小巴。

為咗留多啲時間陪兩個女,林嘉欣近排都只以出席活動及拍廣告為主。

 

去年就與張學友一同演出老公袁劍偉執導的電影《暗色天堂》。

更多精選內容