女網紅出軌小店被「點錯相」狂收負評發聲明求放過老闆公開「不在場證據」極爆笑

Nov 6 2026

網紅出軌餐廳｜港男在拍拖三周年扮送驚喜踢爆網紅女友出軌，其對質片段隨即在網上瘋傳。網絡怒火其後卻燒錯方向，令銅鑼灣另一間同名相近餐廳突然遭大量一星負評轟炸。無辜被點錯相的小店發聲明澄清及提供「不在場證據」，大批網民覺得既同情又好笑。

港男踢爆女友出軌風波迅速發酵

男事主發文指，自己在與女友慶祝拍拖3周年的大日子當面攤牌，揭露對方與深水埗餐廳Layback Matters謝姓合夥人關係曖昧。驚覺自己戴綠帽的他表示掌握兩人早於半個月前深夜前往屯門赤鱲角隧道密會至凌晨2時，以及自己外出挑選女友生日禮物期間，謝姓合夥人駕車接載女方等資料；相關對話亦出現「好掛住好想見到你」等內容，而女方在對質片段中看到出軌證據後傻笑回應，更令事件迅速發酵。

前FBI特工轉行做私家偵探揭伴侶出軌20大徵兆「中4條一定有偷食」教用1招捉姦

Layback Matters發聲明割席合夥人

風波延燒至餐廳生意後，Layback Matters其他合夥人於11月下午發表聲明，宣布與謝姓合夥人全面席，並安排對方退股，同時向男事主道歉，涉事餐廳Layback Matters聲明全文如下：

「就昨晚網上關於合夥人謝彥祖嘅事,我地想喺度親自同大家交代。

因為個別合夥人嘅個人行為,為大家帶來咁大困擾同失望,身為其餘兩位股東,我哋心裏面好難受,亦必須同大家及事主講聲對唔住。我哋一直好信任身邊嘅夥伴,但今次對方嘅行為完全違背咗誠信同道德底線,亦辜負咗大家對layback Matters 的支持。

舖頭係大家一齊辛苦建立嘅心血,我哋絕唔會包庇。經過商討,我哋一致決定即時終止謝彥祖喺 layback Matters嘅所有職務,唔會再參與任何舖頭營運,亦已經安排緊會計師辦理退股程序,正式結束合夥關係。之後佢嘅個人言行,一概同舖頭無關。

好對唔住令大家失望,係呢到向大家及事主致歉。

舖頭會照常營業,我同其他同事會專心做好手頭上嘅出品。多謝大家嘅提醒同包容。

Layback matters」

公務員老公隔離房偷情斷正港妻北上捉姦片瘋傳怒爆公務員老公全名親揭小三容貌

網民鬧錯小店慘被「點錯相」

事件引發大量網民關注，輿論原本集中批評涉事男女及追究謝姓合夥人背景，惟部分人疑未有核對餐廳地址及名稱，湧入Layback Cafe的Google Reviews留下一星評價。遭誤認涉事店舖、位於銅鑼灣耀華街的Layback Cafe，亦緊急發聲明澄清兩店各自獨立，強調彼此屬於「零關係、零股份、零親屬關係」，希望外界停止把出軌爭議與該店混為一談。這場誤判令一間無關小店無辜捲入風波，也令網絡公審焦點由感情糾紛轉為「點錯相」爭議，店方只能公開呼籲網民留言前先看清楚資料。

港男踢爆女友出軌原型疑曝光泰女生最強分手先例片爆紅港網民邊睇邊喊結局超心酸

男友元旦偷食閨密港女生設局捉姦「公開處刑」影片瘋傳男友下場慘烈

Layback Cafe店主求放過幽默公開「不在場證據」

銅鑼灣小店Layback Cafe主理人面對無妄之災，除懇請網民放過Google Reviews，亦以幽默方式交代自己的「不在場證據」，表示平日「日日企喺廚房炒意粉、整甜品」，強調「根本冇體力同時間半夜兩點去屯赤接人」，老闆更在11月5日上午開始瘋狂回覆澄清「由今朝7點就狂覆機」。網民紛紛表示既同情又覺得好好笑，「女就你食鍋就我揹」、「笑X死無關係都要硬食餘波」、「幫推無辜被連累真係好慘希望你哋生意興隆」、「雖然好慘但又好好笑」，有人提議「Ig 個訊息位要加番無搞人女朋友」。

掃地機器人變「捉姦超人」找出1物揭男友出軌網民：連AI都睇唔過眼

此外也有不少人留言為老闆提供新菜式，相當搞笑，「人出軌，你出名，整返個聖誔三人行套餐先啦」、「整個海景出軌套餐嚟先啦」。Layback Cafe店主其後在留言區表示開心為網民提供另類笑話，「冇諗過件事會發酵到咁樣為大家提供了side track笑料一則都算好事」。慘被無辜被「點錯相」的小店Layback Cafe澄清聲明如下：

「緊急澄清聲名此 Layback 非彼 Layback

我地係位於銅鑼灣耀華街嘅 Layback Cafe

我地同深水埗嗰間 laybackmatters 零關係、零股份、零親屬關係、完全係兩間獨立嘅舖頭

作為呢度嘅主理人，我想澄清一下

各位福爾摩斯，留負評宣洩之前麻煩睇一睇地址…… 我地獨立小店經營艱難，粒 1 星真係誤殺好人，弱小的心靈經唔起呢種無妄之災，求放過google reviews 🥲本人日日企喺廚房炒意粉、整甜品根本冇體力同時間半夜兩點去屯赤接人 🥲

再次多謝大家既關注🙏🏻」