一齊去“那些年 Party”
上年喺德望校舍舉辦嘅一年一度聯誼之夜 Starry Night 好成功，大家都玩得好開心。
睇返啲舊相，話咁快又一年喇……
開心嘅係，好快又可以同一眾師長、同學見面喇！
今年嘅聯誼活動，係“與那些年 Party, Happy Together 舞會”，主題顧名思義係玩懷舊，除咗Hopers，今次更誠邀社會上各界好友，一齊去餐廳享受美食、live band 、dance floor、喺主題 photo booth 前影相、玩 lucky draw…… 等我都著返那些年套「戰衣」，懷舊咁搖曳風騷一番，再同小學部及中學部嘅校長合照！^^
時裝設計師校友 Ranee K，當晚更會現場選出「最佳衣著」等五個獎項，勝出者會有獎品㗎！不過如果你有少少怕醜，唔想盛裝出席或者唔想跳舞，都可以去主題 photo booth 影張即影即有，凝住溫度，留下美好！
當晚嘅 lucky draw 人人都有機會抽中，總共 30 份豐富獎品，包括超市及書店 $100 cash coupon、咖啡機、iphone 8、ipad pro、apple watch 及平板電腦等。
比 lucky draw 更幸運嘅幸運兒，可以透過當晚嘅拍賣，得到由 Sister Mary 特別為今次舞會捐出嘅名貴翡翠頸鏈、心口針等 6個手飾 item，每款只有一條／個， 機會難逢，價高者得，記住踴躍啲 bid 呀！
講到手飾，我收到風，晚宴現場有得買首次推出嘅特別版德望 souvenir，係全球第一批呀！過後要上網訂購，不過我知道佢好靚，預計好快會售罄，所以建議最好都係早買早享受，哈哈！
呢樣 souvenir 就有得先睹為快喇，佢係印咗德望嘅校服嘅 T 恤，係咪好靚呢！
想睇特別版 souvenirs、開開心心跳舞、點歌、聽歌玩返一晚嘅朋友，可以去呢度報名：
日期：2017年 10月29日（星期日）
時間：6pm – 11pm
地點：煌府（尖沙咀彌敦道100號The One 13/F）
Dress Code: 1950s-1980s Chinese or Western Fashion
費用：大人 $750/位，12歲以下小朋友 $500/位。
