囝囝出世啦! 胡杏兒順產誕8磅B仔

囝囝出世啦! 胡杏兒順產誕8磅B仔

恭喜晒!胡杏兒同老公李乘德(Phil)囝囝出世啦!一直心大心細諗緊順產定開刀嘅杏兒最終決定自然分娩,誕下8磅B仔,取名Brendan Lee,Phil話呢個名係愛爾蘭名字,意思即是「小王子」兩夫妻啱啱喺IG報喜,榮升父母啦!

 

 

胡杏兒順產誕B 展開母乳路

Phil話太太幾日前已經順產誕B,B仔好健康,仲喊得好大聲!不過杏兒生完就好攰啦!Phil仲透露杏兒已經開始餵母乳,仲幫杏兒講埋佢依家唔得閒睇電話,希望大家都送上祝福、祈禱,希望佢好好休息,同盡快康復,最後都多謝大家祝福。

而杏兒就喺IG發文表示:We are complete!一家三口齊齊整整啦!

決定順產

上月尾,杏兒仲心大心細在FB發文表示自己心情開始緊張,還問網友們順產還是開刀好。「多謝大家嘅讚美同鼓勵,快踏入十月了,心情開始緊張,要好好準備迎接李寶寶啦! 想請問大家都是順產還是開刀呢?如果順產有用無痛分娩嗎?可以和我分享一下這個母親的決擇嗎?」最後杏兒都係揀咗順產!

胡杏兒於上月Baby Shower中,才正式宣布BB性別。

胡杏兒

Sweet爆接機 素顏放閃

杏兒七月底時不怕懷有六個多月身孕,同胡說八道姊妹團飛去澳洲拍攝旅遊特輯,期間老公阿Phil實心掛掛。兩個幾星期後,Phil終於等到愛妻返港。杏兒上傳Phil窩心接機相,秒速獲得四萬幾人激讚同留言祝福!胡說八道會嘅好姊妹亦湊熱鬧留言,讚佢哋兩公婆Sweet爆啊!

胡說八道真情假期 大肚杏兒有「特別待遇」

由胡定欣、胡蓓蔚、胡杏兒、黃智雯、李施嬅、姚子羚組成的「胡說八道會」早前遠赴澳洲拍攝旅遊節目,星期一開播,成員們都大家對杏兒照顧有加!

杏兒表示大肚婆去旅行十分幸福,因為所有人都會特別照顧她,等行李時她也可以兩手空空瀟灑地等出發!

攝製隊安排「胡說八道會」到澳洲拍攝時有跳舞的環節,並把排舞重任交予黃智雯。智雯排舞時細心的安排了較簡單的動作,方便「粗身大勢」的杏兒掌握,十分貼心!

胡杏兒母親節宣布有喜

胡杏兒 在去年11月的生日派對宣佈與男友李乘德訂婚,籌備至舉行婚禮都高調曬幸福,更向傳媒廣發事前拍攝的結婚照,正式將婚事公告天下。早前更在母親節宣布有喜,並寫道「李寶寶已經迫不急待在我肚子裏做起仰臥起坐了,寶寶再等一下,爸爸和媽媽也很期待和你見面呢!」杏兒婚後成幸福少奶奶。

FB_IMG_1494743793485

FB_IMG_1494743797778

FB_IMG_1494743801781

更多精選內容