陀B八個月 私家醫院拒收 賴慰玲:我啲血有問題!

陀B八個月 私家醫院拒收 賴慰玲:我啲血有問題!

陀B 8個月的賴慰玲,早前低調同舞台劇演員男友梁子峰註冊結婚,正式成為梁太,預產期在12月的她,早前接受產檢時,卻發現血指數出現問題,被私家醫院拒收生B,為安全計Winki已在政府醫院開定File戒備。賴慰玲接受訪問時就承認:「因為我啲血有問題,政府同私家醫院都開咗File,私家醫院依家都跟進緊,希望冇大問題,可以喺私家醫院度生啦!」

撰文:Sunday kiss

圖片來源:新傳媒圖片庫、賴慰玲Facebook

賴慰玲:我啲血有問題!

由於係第一胎,賴慰玲(Winki)表現緊張,確定懐孕後第一時間搵定私家醫院迎接小生命,但早前做產檢卻突然發現血指數出現問題,一度被私家醫院拒收,令家人和老公好緊張!知情者透露:「 雖然 BB 唔係預期之中有嘅,但知道有咗,Winki 好興奮,因為佢一路都好想做媽媽,覺得呢個係天賜嘅禮物,知道有咗之後,佢即 刻問定做咗媽媽嘅朋友,食啲乜最啱大肚婆,同喺邊度生 BB 最好,佢本來想喺私家 醫院度生,但產檢後發現血指數有問題,私家醫院唔肯收佢,建議佢去政府醫院度 生,話嗰度設施完善啲,雖然醫生話唔算係大問題,但係佢都有啲擔心,除咗再搵 醫生檢查清楚,私家醫院亦幫佢跟進緊!一路check 住血嘅指數!」

賴慰玲承認血指數一度唔多定!BB可能要在政府醫院出世!

 

七月趁生日宣布有喜的賴慰玲,已經陀B八個月,不過winki陀B陀得相當靚,長肚唔肥人,手腳仍然纖幼,仲keep住有個尖尖下巴零水腫。

健步如飛

陀住8個月巨肚的賴慰玲,早前獨自揸車去太古城商場買BB用品,長肚唔肥人的她,手腳依然纖瘦,完全沒水腫,行起路更是健步如飛。被問到會在邊間醫院生 B,賴慰玲就坦言血有問題,已做定兩手準備,「 因為我啲血有問題,私家醫院同政府 醫院都開定 File,依家私家醫院跟進緊,希望冇乜大問題,就可以喺私家醫院生!」

當日去太古城shopping,賴慰玲無買嘢畀自己,手上戰利品全屬BB的!

 

 

大住肚趕劇

七月拍罷無綫劇《 棟仁的時光 》,賴慰玲已經全面停工安胎,Winki 好友表 示:「 嗰時知道有咗,啱啱踏住《 深宮計 》同《 棟仁的時光 》兩個劇,男友同屋企人 梗係緊張,怕佢辛苦,叫佢樣樣要小心,同爭取多啲時間休息,部劇一埋尾,佢即 刻同公司請假停工安胎,但唔做嘢又覺得悶,呢排佢係咁約啲朋友出街,又跟媽咪 學整嘢食!」

年初發現有咗,賴慰玲正在趕拍《深宮計》和《棟仁的時光》兩個劇,繼續頂硬上幫劇集埋尾, 到七月《棟仁的時光》煞科,一班演員幫賴慰玲慶生,都忍唔住大讚呢個準媽媽,大住肚拍晒整個劇夠厲害!

 

原先 plan 了明年結婚的賴慰玲,因未婚懷孕終於在上月同拍拖5年的男友梁子 峰低調註冊結婚,當日只邀請了親戚和幾個圈中好友到場見證,當然唔少得好姊妹 陳瀅、陳嘉寶、蔡思貝陪嫁。

情況有改善 血指數穩定下來

及後記者再致電賴慧玲查問近況,幸情況已有改善,她立即報喜:「 依家check清楚嘞,血指數穩定番,已經冇問題嘞!應該可以喺私家醫院度生!」至於 BB 性 別,賴慰玲話要保持神秘感,祝她順利生個健康肥 B 啦!

更多精選內容