懷孕6個月 官恩娜:睇唔睇得出生仔定女?

懷孕6個月 官恩娜:睇唔睇得出生仔定女?

今年好多女星排住隊等生B,好似現年38歲的官恩娜(Ella),兩年前下嫁混血醫生Juan-Domingo Maurellet並誕下「小王子」Garbriel後,隨即專心相夫教子,為專心湊仔佢一直停工,直至今年5月為新歌錄音,準備投入工作,但人算不如天算,佢8月公佈再度有喜,透露懷孕4個月,為了令自己有驚喜,佢刻意叫醫生不要告訴BB性別。日前Ella於IG問網民睇唔睇得出佢陀仔定女,查實仔女都冇所謂,最緊要母子平平安安!

撰文:Sunday Kiss

圖片來源:官恩娜Facebook及Instagram

再陀第二胎 官恩娜 懷孕6個月

已育有一子的官恩娜,早於6月下旬已開始錄製新歌,更於IG貼出於錄音室的照片,但到了8月,她於IG發放短片並宣布懷上第二胎,預產期是明年初。再度榮升母親的她為了專心養胎,復出大計暫且擱置一旁。

 

婚後火速造人的官恩娜,自15年誕下囝囝Garbiel後,一直停工專心湊仔,近日Ella報喜再度懷孕,復出大計暫停。

 

母子𣈱遊迪士尼

目前懷孕6個月的Ella,雖然個肚籮咁大,但佢都活動自如,最鍾意帶住囝囝四圍去,日前佢兩母子到香港迪士尼樂園玩,Ella仲抱起囝囝喺城堡前留影呀!

 

 

 

雖然腹大便便,但Ella堅持親自湊囝囝上學,仲透露為湊囝囝放學而要食快飯!

官恩娜:睇唔睇得出生仔定女?

為了令自己有驚喜,Ella刻意叫醫生不要告訴BB性別讓她知道,不過Ella透露身邊不少親朋好友話憑個肚形,睇得出佢陀仔定女,Ella都禁不住問網友們,睇唔睇得出?!

 

 

 

Ella話為迎接BB出生,近日不停地褶衫!

最緊要安全

Ella陀住BB,當然要安全至上!佢專程買了大肚安全帶,仲話用後個人安心好多!事關之前坐車一路箍住個肚好唔舒服,又怕真係有咩嘢事會勒住肚內的寶寶!

 

 

 

早前Ella帶囝囝去中環文華東方酒店剪頭髮,打扮到成個小紳士嘅Garbriel剪頭成面頭髪碎都冇扭計,坐定定任剪,真係好乖豬!

 

 

 

 

 

 

更多精選內容