林盛斌老婆呻餵人奶辛苦 惹網民罵戰

林盛斌老婆呻餵人奶辛苦 惹網民罵戰

育有4個可愛子女的BOB林盛斌日前於社交媒體分享老婆發火一事,指出「記住千祈唔好同一個餵緊人奶嘅女人講,話自己喺出面做嘢好辛苦呀好攰呀嗰d,你會死得好慘,啱啱俾人X到上天花板……」。事後,有人留言指Bob嫂嫌辛苦可以以奶粉機取代人奶,隨即引發不少網民留言討論,各執一詞。

撰文:Sunday Kiss

圖片:Facebook @Bob Lam 林盛斌、網上截圖

林盛斌呻工作辛苦 老婆發火

昨日阿BOB林盛斌於臉書開帖道:「記住千祈唔好同一個餵緊人奶嘅女人講,話自己喺出面做嘢好辛苦呀好攰呀嗰d,你會死得好慘,啱啱俾人X到上天花板……」BOB太太Pearl於8月誕下細仔Jaye,要湊三個女之餘還要全天候貼身照顧初生BB,認真辛苦,難怪老公一句無心之失都激親老婆。

林盛斌呻工作辛苦 老婆發火1

餵人奶=多餘?

事後有網民留言意指Bob嫂如果嫌餵哺母乳辛苦,其實可以用奶粉機取替,過程比沖一杯沖劑飲品方便,更指Bob嫂「多餘」。

「又係自己要生,咁點解要餵人奶?奶粉機都面世,方便過冲杯好立克,多餘!」

留言被其他網民狙擊,不少媽媽都挺身為Bob嫂發聲,指出「媽媽之苦」。網民表示為人母親的都會明白「湊仔一定辛苦過返五」。而且,餵哺母乳更是一份苦差,媽媽堅持餵哺母乳的原因亦是為了寶寶著想,因為母乳附有抗體,可以保護寶寶的腸道,防止敏感,亦比較容易被寶寶吸收。加上,母乳百多種抗體供給嬰兒,可是奶粉則只有數十種營養,餵哺母乳對寶寶的健康成長有利無害。

網民為Bob嫂平反

「有工人都辛苦,自己湊嗰D媽媽咪要自殺🙄餵母乳,泵奶,洗樽,冲涼,洗衫仔,唔夠瞓

亦有人評論Bob嫂「有工人都辛苦」,指出自己照顧寶寶的媽媽會更加疲累。

「我相信所有媽媽都會把最好的給自己寶貝,餵母乳當然是最好的。雖然有工人,但要知道餵完每餐; 之後還有掃風、泵奶、換尿片,整天不斷地重複,這些是不會假手於人😅另外,還有三位家姐要照顧呢?學校功課、溫習,也要跟進吧!」

不少媽媽再為Bob嫂平反,指出所有媽媽都希望把最好的給予寶寶,Bob嫂雖然有家傭幫忙,但其實很多工序都不會假手於人,每次餵奶後仍要掃風、泵奶、換尿布,整天不斷重複,難免剛剛生育完的Bob嫂會感到吃力。再加上Bob嫂仍要照顧三位千金,要跟進學校功課、也要督促溫習,少一點精力也不能駕馴。

「母乳餵食的寶寶在免疫力上會比較强,但是苦了媽媽們,真的不是非一般的hard job.还要1湊4個,想想都暈

😂會體諒老婆的,都很贊!」

「餵奶,換片,嘔奶沖涼又換衫,到細B訓著左,亞媽就想食野補充能量之際大家姐,二家姐,三家姐爭玩具,亞媽又要出動調停,跟住嘈醒細B又陪訓,出面三姊妹仲未停,一個話要食野,一個話要玩,另一個就話媽咪唔陪我,如果以上每日不斷重複再重複,人都癲」

全職媽媽唔易做

網民也勸各位要將心比己,設身處地體諒餵母乳的媽媽。

「千祈唔好以為女人在家係唔使做,尤其是要餵人奶嘅女人,不眠不休,身心俱疲,谷奶時真係痛到想打死人。。。未試過有幾痛嘅人係唔會明,媽媽完全都係為阿B健康著想,唔好風涼地話奶粉有幾方便幾好,完全係兩回事。總之大家都係為個家,大家都辛苦。」

「好多人都認爲做媽媽唔使返工等於嘆世界架啦!好少人會明白凑仔分分鐘辛苦過返工!總之將心比己,各有壓力啦!」

不少人也不理解全職媽媽的難處,認為她們在家也「唔使做」。但事實是身心皆疲,網民指出照顧小孩隨時比上班辛苦,大家絕不要低估全職媽媽的辛酸。

 

體諒勝千言萬語

其實一家人相處最重要的是互相體諒。只要互相理解大家的難處,多一點關心,少一點埋怨,沒有什麼難關是跨不過的。

關鍵詞
Bob林盛斌

更多精選內容