同女友註冊結婚 林子善:有傻人終成眷屬

同女友註冊結婚 林子善:有傻人終成眷屬

恭喜晒!「洪爺」結婚喇!35歲的林子善昨日與拍拖5年嘅圈外女友董佩欣(Kary)正式簽紙結婚,子善喺IG貼上張與老婆合照,留言﹕「20171016之上路,有儍人終成眷屬,一起踏上婚姻之路。」見林子善畀老婆勾住佢個鼻子走,似乎係喻意從此被困,聽晒老婆話呀!

撰文:SUNDAY KISS

圖片來源:林子善、董佩欣IG

同女友註冊結婚 林子善:有傻人終成眷屬

子善和太太董佩欣(Kary)昨日分別在IG上載照片,成為人夫的林子善與老婆鬼馬合照,被太太勾着鼻子走,原來喻意係聽晒老婆話!林子善留言話:「20171016之上路,有傻人終成眷屬,一起踏上婚姻之路。」其實近日忙於為新劇《果欄中的江湖大嫂》拍攝的子善,之前一晚仲通宵趕劇,佢唔瞓都抽空完成註冊儀式,與Kary正式成為合法夫婦,認真抵錫啦!

林子善跟Kary均未有穿上正式禮服,子善穿簡單的白恤衫加爛牛仔褲,而Kary則穿吊帶連身裙,手執鮮花!

 

 

明年補擺酒

據知林子善同太太Kary今個月底會去馬爾代夫影婚紗相,而二人將於明年四月喺將軍澳一間酒店舉行婚宴,大約筵開50席!其實子善早前買咗一隻20萬元嘅鑽戒向女友求婚,當時佢透露預計整個婚禮使百幾萬,但佢認為相當值得,因為對屋企人出手要闊綽,令佢哋辦婚事都開開心心,寧願慳自己,真係相當「好仔」。

 

子善早前陪Kary試婚紗,佢話要相信太太的眼光,因為她不好眼光,都不會選擇自己做伴侶,又真係好啱聽喎!

 

 

子善在圈中出名人緣甚佳,同佢合作過拍劇的藝員都能成為好友,好似當年在《鐵馬尋橋》合作過的鄭嘉穎、馬國明、唐詩詠等都成為好友!

 

 

子善同Kary不時在二人的社交平台放閃,除了去旅行的照片,早前子善生日,Kary安排一頓生日飯,更在IG高呼「I LOVE YOU」,真係好恩愛!

 

更多精選內容