馬爾代夫度假 梁家輝夫婦 溫馨放閃 索孖女搶鏡

馬爾代夫度假 梁家輝夫婦 溫馨放閃 索孖女搶鏡

梁家輝同老婆江嘉年係圈中出名嘅模範夫妻,平時行街睇戲都會拖到實,結婚30年依然恩愛。梁家輝唔單愛錫老婆,佢對一對孖女亦寵愛有加,上星期佢哋成家人就去咗馬爾代夫度假,開開心心同陽光玩遊戲,fit爆嘅梁家輝更大晒老鼠仔同肌肉,絕對係圈中型爸呀!

撰文:Sunday Kiss

圖片來源:新傳媒資料庫

梁家輝夫婦 溫馨放閃 索孖女搶鏡

59歲嘅梁家輝身形依然好fit,手瓜起𦟌,不時又拖又攬實老婆合照放閃,一家人望住藍天白雲對住無敵海景歎美食,唔開心就假,難怪大孖Nikkie都話玩到唔捨得走啦!

一家四口去馬爾代夫享受陽光與海灘,爽爆!

 

梁家輝大晒「老鼠仔」拖實孖女,又man又有型!

 

 

梁家輝同老婆江嘉年感情如膠似漆,仲會手拖手漫事沙灘,非常浪漫。

孖女搶鏡

而梁家輝一對26歲索爆孖女梁穎晨(Nikkie)和梁靜禧(Chole)都唔輸蝕,著上三點式大騷完美身材,非常養眼!

 

難得享受家庭樂,型爸梁家輝仲會揸機玩selfie呀!

 

1987年29歲生日 秘娶江嘉年

唔講唔知,其實梁家輝呢段婚姻得來不易,就喺1987年佢29歲生日當日,同拍拖半年嘅江嘉年,瞞住父母喺雙方妹妹做證婚人下舉行「婚禮」,不過就冇註冊,但畀傳媒爆私定終身後,於是在女方5月20日24歲生日當天註冊,並拍靚靚婚紗照。梁家輝與太太婚後誕下一對孖女 Nikkie和Chloe,依家已經長大成人,仲好靚女,備受外界關注。佢哋不時會上載與父母的溫馨合照,一家四口感情好好。

 

結婚前梁家輝事業處於低潮期,更試過做無牌小販,但自87年初迎娶江嘉年後事業漸有起色,補影結婚相時難怪要錫晒太太,

 

孖女生日,曾經在其Instagram上載了不少可愛童年照,還有爸爸梁家輝與媽媽江嘉年20多年前的舊照,相當溫馨!

 

 

 

更多精選內容