胡杏兒囝囝首曝光 老公發千字文感謝太太

胡杏兒囝囝首曝光 老公發千字文感謝太太

日前胡杏兒成功誕下囝囝Brendan,榮升媽媽!一直未有亮相的Brendan終於同大家見面啦!今日爸爸阿Phil就喺社交網站發放千字文,大談太太生育的心路歷程,亦大讚太太勇敢同偉大!伴隨千字文仲有大家期待已久嘅Baby Lee真身!人仔細細已經生得輪廓分明,十足爸爸媽媽!

撰文:Sunday Kiss

圖片:hakkaphil@instagram

 

胡杏兒囝囝首曝光

胡杏兒
Brendan出世時重8磅,今日終於同媽媽一齊同大家見面啦!

老公發千字文感謝太太

老公阿Phil喺Instagram發千字文表達自己對太太嘅感激之意。佢話唔少人都會喺生育後將焦點放喺小朋友身上,但其實生完BB嘅太太係更需要大家嘅關懷!

胡杏兒

佢仲憶述太太生育當天嘅一點一滴,由生產日子逐漸迫近,望住太太杏兒除咗身理上嘅痛楚,受盡不安同緊張感嘅煎熬;到當天太太穿羊水、趕去醫院,陪太太入產房,望住杏兒感受無止境嘅痛楚,但自己卻愛莫能助,只可以企喺旁邊睇住,阿Phil表示十分無助。

胡杏兒

分娩當日杏兒痛到難以承受,但佢都拒絕打無痛分娩針。阿Phil話杏兒為咗可以感受到愛與犧牲,早就有自然分娩嘅決心。呢個時候,阿Phil理解到比起一個就分娩嘅母親,男人嘅力量其實只係微不足道。

胡杏兒

經歷完生育嘅痛楚,杏兒仲要迎接第二波挑戰 – 餵母乳。為咗BB嘅健康著想,杏兒選擇餵哺母乳。而餵哺母乳的痛楚往往讓人低估了。阿Phil十分體諒太太,佢明白媽媽要犧牲睡眠時間去餵BB,但同時亦犧牲緊自己身體康復嘅時間。

胡杏兒

所以,阿Phil感激太太以及媽媽的偉大,佢明白到天下間媽媽的愛是無人能及的。

胡杏兒

網民都紛紛留言支持,亦大讚阿Phil係好丈夫。

關鍵詞
胡杏兒

更多精選內容