中環孖咇出巡 黃伊汶 陳國坤 恩愛放閃

中環孖咇出巡 黃伊汶 陳國坤 恩愛放閃

黃伊汶(Emme)近年大搞自家手錶品牌Galtiscopio,上年更加代理埋品牌時裝手袋,成個女強人咁!不過事業再忙﹐黃伊汶都不會忽略家庭,除了抽空陪囝囝陳真,仲會爭取時間同老公「小龍」陳國坤拍拖,日前兩夫婦現身中環街頭,陳國坤一路上唔係拖實就係攬實老婆,恩愛到暈!

撰文:Sunday Kiss

圖片來源:新傳媒圖片庫、陳國坤微博

黃伊汶 陳國坤 恩愛放閃

近年轉行做生意做埋潮人的黃伊汶,剛剛去完紐約時裝周返港,但她未有休息,反而爭取時間同老公拍拖的機會。日前,她就孖住「小龍」陳國坤到中環,小龍先泊低車,就同老婆一齊行去滙豐銀行大廈處理一點私事。

 

 

Emme當日打扮同老公襯到絕,兩個都型格十足。

全程拖到實

當年娶黃伊汶,小龍話求了幾次婚先至贏得美人歸,現場所見,小龍對住老婆的確好冧豬,全程唔係十指緊扣拖實老婆,就係將老婆攬到實,兩個婚前婚後都係恩愛爆燈。

 

小龍對黃伊汶錫到燶,單睇佢行一步,唔係攬到實就係拖實深怕老婆走失咁!

 

爭取和兒子相處的時間

黃伊汶去年3月誕下寶貝仔陳真,不時喺網上分享同仔仔嘅相片,一家三口非常溫馨。早前Emme出席公開活動,提到囝囝她笑言湊仔比做品牌更辛苦,事關最近她的工人姐姐放大假,要做全職媽咪,不過相處時間耐了,反而與囝囝的感情更深厚。她笑言︰「之前唔想工人姐姐走,到依家又唔想佢咁快返嚟,我覺得以前畀囝囝嘅時間唔夠多。」

 

 

 

 

 

Chok爆BB

陳真深得型爸型媽真傳,擁有一對憂鬱電眼,人仔細細已經chok爆擺pose,唔少網民都大讚佢好靚仔好得意,成功俘虜大批粉絲,睇吓!佢扮李小龍都一樣好cute。

 

 

因為黃伊汶和鄭希怡都好老友,二的的仔女陳真與梁浸浸都經常在一起,感情亦非常好,更經常結伴同遊。

更多精選內容