胡杏兒偕老爺奶奶 合力共建溫暖BB房

胡杏兒偕老爺奶奶 合力共建溫暖BB房

胡杏兒囝囝Brendan話咁快就出世一星期啦!杏兒產後除咗分享自己餵母乳嘅心得,仲同大家開心Share囝囝間BB房!原來房間係佢哋成家人一齊精心佈置㗎!Brendan仲唔係屋企入面嘅小王子?
撰文:Sunday Kiss

圖片:胡杏兒@微博,胡杏兒 Myolie Wu@Facebook

胡杏兒公開BB房

杏兒昨日喺微博公開囝囝Brendan間BB房,雖然房間設計簡約,但柔和嘅燈光令人感覺放鬆,相信BB都可以瞓得好安穩!原來杏兒擔當設計總司令,搵埋老公同老爺奶奶一齊佈置,一家人合力為BB建造一個溫暖的家!

胡杏兒

杏兒分享老爺幫手整壁燈,奶奶幫手洗床單被鋪,老公幫手吹氣球,仲話Brendan仔係一個幸福的孩子!

自言幸福新抱

胡杏兒 自從下嫁李乘德(Philip)後,經常大晒幸福,不時在社交媒體上載幸福生活照。去年冬至,更話奶奶親手用了兩天時間,準備了十餸兩湯過冬至!仲大讚全部都好好味!最後佢更表示:「我這個新抱真的太幸福了!」

v5a

螢幕快照 2017-01-06 下午5.58.40

螢幕快照 2017-01-06 下午6.20.31

開始想念大肚感覺

啱啱先「卸貨」嘅杏兒仲話自己開始明白掛住BB喺自己肚裡面嘅感覺,網民紛紛說笑叫杏兒唔洗掛住,行動最實際!快啲再接再厲追多個,實行三年抱兩!

胡杏兒囝囝首曝光

胡杏兒
Brendan出世時重8磅,日前終於同媽媽一齊同大家見面啦!

老公發千字文感謝太太

老公阿Phil喺Instagram發千字文表達自己對太太嘅感激之意。佢話唔少人都會喺生育後將焦點放喺小朋友身上,但其實生完BB嘅太太係更需要大家嘅關懷!

胡杏兒

佢仲憶述太太生育當天嘅一點一滴,由生產日子逐漸迫近,望住太太杏兒除咗身理上嘅痛楚,受盡不安同緊張感嘅煎熬;到當天太太穿羊水、趕去醫院,陪太太入產房,望住杏兒感受無止境嘅痛楚,但自己卻愛莫能助,只可以企喺旁邊睇住,阿Phil表示十分無助。

胡杏兒

分娩當日杏兒痛到難以承受,但佢都拒絕打無痛分娩針。阿Phil話杏兒為咗可以感受到愛與犧牲,早就有自然分娩嘅決心。呢個時候,阿Phil理解到比起一個就分娩嘅母親,男人嘅力量其實只係微不足道。

胡杏兒

經歷完生育嘅痛楚,杏兒仲要迎接第二波挑戰 – 餵母乳。為咗BB嘅健康著想,杏兒選擇餵哺母乳。而餵哺母乳的痛楚往往讓人低估了。阿Phil十分體諒太太,佢明白媽媽要犧牲睡眠時間去餵BB,但同時亦犧牲緊自己身體康復嘅時間。

胡杏兒

所以,阿Phil感激太太以及媽媽的偉大,佢明白到天下間媽媽的愛是無人能及的。

胡杏兒

網民都紛紛留言支持,亦大讚阿Phil係好丈夫。

下一頁:DJ 朱薰 推崇「羅家英」教學法

下一頁:楊張新悅 ︰做父母係要捱

關鍵詞
胡杏兒

更多精選內容