邱晴

晒母女合照 18歲落選港姐邱晴 同索媽咪似姊妹

熱話

廣告

今屆港姐冠軍雷莊兒當選引起不少爭議,其實除了她話題多多,相信大家都記得有位落選佳麗邱晴(Mandy),當日以17歲之齡參選而成話題人物,雖然邱晴三甲不入,但都成功殺入最後五強!不少網友大讚邱晴樣貌標緻,笑容甜美又青春,查實她的美貌都係遺傳自媽咪。日前邱媽媽生日,邱晴貼咗同媽咪嘅合照,原來邱媽媽唔止係索女而且超年輕,話佢哋係兩姊妹都有人信,難怪有網民提議不如以母女檔入娛樂圈發展啦!

撰文:Sunday Kiss

圖片來源:新傳媒圖片庫、邱晴Instagram

落選港姐邱晴 同索媽咪似姊妹

今屆港姐曲終人散,當中邱晴年紀最細,參選時得17歲,加上學歷不及其他佳麗高,於賽前不被看好,但最後成功晉身港姐十強,邱晴更獲三哥苗僑偉點名大讚可愛又有台型,參選期間獲得一對一指導助選。邱晴早前剛度過生日,依家已經18歲喇!

 

 

 

邱晴入讀藝訓班

邱晴早前透露於無綫的藝員訓練班返學,記得當日港姐司儀森美謂好欣賞Mandy不怕醜,在後台好主動找他自拍,睇好佢咁話。邱晴未入行先後得到森美及三哥欣賞,相信一定有更佳發展!

 

 

邱晴在其社交平台除了上載自己的生活照,之前邱晴18歲生日上載和媽咪的合照,仲留言多謝媽咪18年前帶佢來到呢個世界,佢留言話「18年前的這段時間 辛苦你了媽咪我愛你1999.09.14」。邱媽媽長得美人胚子,而且很年輕!據知邱媽媽未夠二十歲就誕下邱晴,所以母女年齡相距不大,加上媽媽保養得宜,難怪同邱晴似姊妹多!

 

 

 

 

晒畫功

邱晴熱愛運動,之前參選為了減去baby fat,跑步及打泰拳修身,成功減去十多磅!好動的她也有文靜的一面,原來喜愛畫畫,之前趁搭飛機的數小時畫自畫像,而她中學時也試過有作品在校內展出!