麥雅緻接B仔返屋企 「小花生」同家姐似足餅印

麥雅緻接B仔返屋企 「小花生」同家姐似足餅印

麥雅緻與張頴康上週誕下愛子「小花生」,昨日Angie更公布喜訊,表示可以接小花生返屋企,正式開始坐月啦!麥雅緻於IG大曬囝囝正面照,而網民竟然神同步地回應:「BB好似家姐小豆!」讀者們認為呢對張氏姊弟似樣嗎?
撰文:Sunday Kiss

圖片:麥雅緻 Instagram、新傳媒圖片庫

「小花生」同家姐「小豆」撞樣

麥雅緻上星期公布細仔「小花生」出世嘅喜訊,經過幾日休養,佢終於可以帶囝囝返屋企,開始坐月啦!Angie於IG向照顧佢嘅醫護人員道謝,睇嚟分娩過程非常順利,可喜可賀!從Angie嘅IG相見到「小花生」嘅正面,雖然瞇埋眼仔,但一眾網民都認為佢同家姐似到十足!

麥雅緻接B仔返屋企1

一於重溫下小豆嘅BB相,睇下佢地兩姊弟係咪真係咁似樣!

麥雅緻接B仔返屋企2

小花生同家姐一樣面圓圓,好精靈,大家都期待Angie張貼更多細佬嘅生活照。

麥雅緻接B仔返屋企3

上週報喜 幼子小花生出世

10月17日,麥雅緻於張頴康陪伴下誕下囝囝「小花生」,大女「小豆」正式榮升做家姐。出名愛妻嘅阿康當然立即公開多謝老婆,於Facebook開帖道:「小花生出咗世喇!辛苦哂老婆喇!老婆,我愛你!」

有份到醫院探望好友Angie嘅趙碩之於社交網站公開同BB嘅合照,見啱啱生完嘅Angie仲好有精神,對住鏡頭舉V微笑!趙碩之更透露,剛榮升做家姐嘅小豆因呷醋唔肯入鏡影相,希望小豆盡快適應,學識愛錫細佬!

麥雅緻卸貨前大影型格孕照

張頴康與麥雅緻一致認為兩個就夠晒數,估計誕下小花生後將會封肚,Angie最後一次懷孕,當然要留下倩影。早前佢地一家三口特意拍攝大肚寫真,睇相就知道小豆非常享受拍攝,一齊重溫一下佢哋嘅靚相!

麥雅緻於寫真大曬巨肚,仲戴上頭紗,十足新娘子一樣,難怪老公同個女都眼金金望住佢!

小豆愛上做家姐

早前阿康一家接受本刊訪問,小豆全程十分興奮,更表示期待細佬出世,可以陪佢玩。被問到快做家姐的心情如何,小豆樂極地說:「佢鍾意車,可以一齊玩!我哋仲會玩公仔、煮飯仔,好好玩㗎!」

阿康和Angie異口同聲道: 「起初擔心過小豆會呷醋,因為佢慣咗得 到我哋獨一無二嘅愛,所以一有咗就話畀佢知,初期佢都擔心爸爸媽媽會唔理 佢,我哋就由故事書入手,好似講做姐姐嘅責任同權利,有咩佢可以做,BB 唔可以做,慢慢佢開始接受。」經過大半年的孕期後,小豆愛上了「姐姐」 的稱呼,覺得做家姐是一件特別任務,多了一份責任感。

有爸爸媽媽嘅教育,小豆一定會係個好家姐!

關鍵詞
麥雅緻

更多精選內容