合家歡哈囉喂大玩Big4景點

合家歡哈囉喂大玩Big4景點

有一大班海洋公園嘅哥哥姐姐同3姊弟過萬聖節,梗係要一早入場啦!我哋喺「哈囉喂全日祭」睇表演、玩遊戲、攞糖果同瘋狂影相,睇下面條片就知道,3姊弟全程一啲都唔驚,驚嗰個反而係我,因為佢哋喺呢4大景點玩到唔捨得走呀……

Big4 景點介紹:

①搗蛋糖果工場 過關贏糖果

想要糖果,唔可以剩係講 “trick or treat” 喇!

因為喺山下嘅熊貓館對面,有個搗蛋糖果工場,裡面有工人守住,3姊弟要贏出過關遊戲,先可以攞糖果。

呢條全港最長嘅室外萬聖節遊樂徑,有造型可愛的製糖工場佈景,我哋當然要開心影相啦!

②參加威威與好友萬聖派對

又要影相喇!

小朋友好鍾意嘅海洋公園吉祥物威威,仲有佢6位好朋友,都有全新萬聖節裝束,仲有好多「盛裝打扮」嘅哥哥姐姐行嚟行去,小朋友一見到就行埋去企定定等我影相喇!

呢個景點入面,亦都有夜景相裝置,同一啲互動遊戲,小朋友可以製作自己嘅嘩鬼面具㖭!

③靈光萬聖祭 色彩繽紛

 

呢個小鎮裡面,個個都著晒夜光裝,仲同3姊弟一齊唱歌跳舞同合照呀﹗

鬼屋入面有好多七彩繽紛嘅 UV painting,戴上 3D 眼鏡,就可以睇到好靚嘅景象,我哋當然又瘋狂影相啦!

④同動物「做節」

海洋奇觀、尋鯊探秘同熱帶雨林動物展館,都加設咗有哈囉喂特色嘅動物展板,而我哋就同呢隻鸚鵡「做節」喇!

 

想同我哋一樣,過返個開心盡興嘅 family day,當然要注意安全啦,入場前請留意以下嘅溫馨提示:

⑴表演/巡遊嘅演員,可能會嚇親小朋友,家長要留意小朋友反應。

⑵為安全起見,戴全面式面具嘅人士,以及著具攻擊性同唔適當服飾嘅人士,唔可以入場。

⑶唔好移走或蓄意破壞公園內任何物件及觸碰表演人員。

⑷患有心臟病、高血壓、幽閉恐懼症、癲癇症、身體不適受藥物或酒精影響等人士,以及孕婦不建議參與靈光萬聖祭。

 

FB: KeicyKK

更多精選內容